Незаборавната ноќ за Вардар на Градски

Вардарци се сеќаваат и на Твитер потсетуваат, а ние со задоцнување од еден ден им го гледаме твитот кој не врати на тој историски 6 август 2003-та, кога сите патишта водеа накај Градскиот стадион во Скопје. Каков делириум беше тоа, само тој што беше знае.

Историскиот пласман во Лига Европа во 2017-та за Вардар можеше за влакно да биде втора нивна епизода во фазата по групи на европските натпреварувања.

Првата за малку не стана поголема, затоа што во тоа незаборавно трето коло против Спарта Прага, беа на чекор до Лига на шампиони. Дома загубија 2:3, а на гости одиграа 2:2. Ах колку блиску.

Но поводот за ова потсетување не е Спарта, туку ЦСКА која Вардар успеа да ја елиминира во втората рунда. Се врати од Москва со сензационален резултат од 1:2, кој требаше да го одбрани во Скопје.

Одигра 1:1, сосема доволно за историски пласман во третата фаза и за лудило на преполните трибините кои беа претесни и се седеше дури и по скали. Гостите го отворија резултатот, но по бразилската комбинација Оливеира - Вандеир стигна потребното реми.

Имаше и инциденти

  

7 август 2020 - 15:29

Штета ако сте пропуштиле

Рецепционерка за секое семејство

Човештвото го положи тестот „најдов новчаник, што да правам“?

Балканци - исти луѓе со слични различности

Роби и неговиот Столе