Напаѓачите во Италија постат

За второпласираниот тим во Серија А, фудбалерот со најмногу постигнати голови не е шпиц, туку тоа е Србинот Адем Љаиќ, играч од среден ред со офанзивни задачи кој има постигнато 8 голови. Неговите колеги од напад Тоти, Жервињо, Верде, Думбија и Санабрија заедно немаат толку.

Рома е жив пример за тоа дека на напаѓачите оваа сезона не им оди во Серија А, па затоа не е ни чудно што Гарсија минатиот викенд се реши да му се спротистави на Наполи без класични напаѓачи, туку со триото Итурбе, Љаиќ и Флоренци.

Исклучок е одличниот Тевез кој игра во одлична форма и кој во моментов е прв стрелец во првенството со 17 голови за водечкиот Јувентус. Следуваат Менез од Милан со 16 и Икарди од Интер со 15 погодоци, но овие две екипи имаа очајни резултати и не се ниту во зоната за излез во Европа.

Освен Љаиќ кој за разлика од колегите напаѓачи кои заедно имаат 7 постигнати голови, а тој 8, сличен е случајот и со Лацио. Таму фудбалерот од средината, Фелипе Андерсон е прв стрелец заедно со Клосе, Марко Пароло кој исто така игра во среден ред има 7 голови колку Ѓорѓевиќ, а втор стрелец во тимот е Стефано Маури.

Италијанците направија и листа на напаѓачи кои уште не ни постигнале гол оваа сезона, а во тоа води Белфодил од Парма кој не се израдувал над 1.000 минути. Меѓу нив е и Лукас Подолски кој премина од Арсенал во Интер и кој за сега се покажува како голема утка во Серија А.

Инаку ветеранот Лука Тони има 15 голови за Верона, а во Удинезе најдобар стрелец е Антонио Ди Натале со 10 погодоци. Двајцата напаѓачи имаат по 37 години.