Лионел Меси стигна до шест првенствени титули, три во Лигата на шампионите и по два во Копа дел Реј, Европскиот Куп и Светското клупско првенство. Голем дел од неговите 399 меча за Барселона беа празник за очи, а еве ги по реден број само дел од најважните во неговата кариера.
1 – Дебитираше во Примера во октомври 2004 година на мечот против Еспањол на само 17 години и 114 дена со што стана најмладиот играч кој настапил за Барселона во домашното првенство.
57 – На првото негово „Ел Класико" на „Камп Ноу" постигна хет трик, а конечниот резултат на мечот беше 3:3.
62 – Споредбите со Марадона почнаа најинтензивно откако на натпреварот против Гетафе од Копа дел Реј направи слалом од половина терен и откако ја мина целата противничка одбрана успеа и да погоди. Идентичен таков гол Марадона постигна на Мундијалот во 1986 година на мечот против Англија.
160 – На финалниот меч од купот против Атлетик Билбао постигна хет трик, а тоа беше првиот негов трофеј под водство на Гвардиола по кој следеше титула и во првенството.
161 – Првиот негов дуел против Кристијано Роналдо се случи во Лигата на шампионите против Манчестер Јунајтед на кој Каталонците беа поуспешни со 2:0.
204 – Ги постигна сите 4 голови на четвртфиналниот дуел од ЛШ против Арсенал, а по мечот Арсен Венгер му даде прекар „Плејстејшн".
269 – Постигна гол на финалниот меч од Лигата на шампионите против Манчестер Јунајтед на кој составот на Гвардиола славеше со 3.1.
300 – Јубилејниот 300-ти меч го одигра на роденденот на Гвардиола на 18 јануари 2012 година. Барса славеше против Реал Мадрид со 2:1 во четвртфиналната пресмета од Копа дел Реј.
311 – Баер Леверкузен беше демолиран со 7:1 во втората рунда од Лигата на шампионите, а Меси постигна 5 гола.
327 – На последниот меч на Гвардиола на „Камп Ноу" ги постигна сите 4 гола на победата против Еспањол.
352 – На триумфот против Бетис во декември 2012 година стигна до бројка од 86 гола во една година со што го мина рекордот на Герд Милер. Истата година ја заврши со 91 погодок.
373 – Со голот против Селта тој постави нов рекорд со што успеа да постигне погодок против сите екипи во Примера.
