Лионел Меси е третиот фудбалер кој три пати ја добива наградата „Златна топка" за најдобар фудбалер, тој со 14 гола во една сезона го израмни рекордот за најдобар стрелец во европските натпреварувања, стана прв стрелец на пет гола на еден натпревар во Лигата на шампиони, тој е најмладиот фудбалер кој дојде до бројката од 150 гола во шпанската Примера, заедно со Кристијано Роналдо ја поминаа границата од 40 гола во сезона, стана најдобар стрелец на официјални натпревари во историјата на Барселона, а синоќа го надмина Герд Милер со 68 голови постигнати во една сезона.
И сите овие рекорди ги сруши во првите пет месеци од 2012. Има уште многу рекорди кои Меси ги нема срушено, но тој има само 24 години и до крајот на неговата кариера најверојатно неговото име ќе стои и покрај повеќето од овие рекорди.
Кои се позначајните рекорди кои Меси се уште ги нема надминато?
| Рекорд | Меси |
| Број на настапи за Барса: Чави - 626 | 326 |
| Најмногу првенствени титули: Чави, Гвардиола, Самитиер - 5 | 5 |
| Најмногу голови на еден натпревар за Барса: Жоан Гампер - 9 | 5 |
| Најмногу настапи во Примера: Андони Зубизарета - 622 | 212 |
| Најдобар стрелец во Примера: Телмо Зара - 252 | 165 |
| Најмногу настапи во ЛШ: Раул - 144 | 68 |
| Најдобар стрелец во ЛШ: Раул - 71 | 51 |
| Најдобар стрелец во европски натпреварувања: Раул - 73 | 52 |
| Најмногу европски титули: Франциско Генто - 6 | 3 |
| Најмногу настапи за Аргентина: Хавиер Занети - 145 | 67 |
| Најдобар стрелец за Аргентина: Габриел Батистута - 56 | 22 |
| Најмногу настапи на СП: Лотар Матеус - 25 | 8 |
| Најдобар стрелец на СП: Роналдо - 15 | 1 |
На крајот ќе му преостане уште еден рекорд кој доколку го надмине тогаш веќе нема да постојат никакви дилеми околу титулата „најдобар фудбалер на сите времиња". Неофицијалните бројки говорат дека Пеле има постигнато 1281 гол, но тука се вбројани и головите на неофицијални пријателски натпревари, па дури и за воениот тим додека служел војска. Официјалната бројка на Меси е 270 голови, но ако продолжи со ова темпо и ако на оваа бројка се додадат головите кои тој ги има постигнувано за младинските тимови, тогаш можеби до крајот на кариерата ќе го сруши и овој рекорд.
