Ете тоа е Роналдо. Има одиграно еден натпревар за Јувентус, а има третман како да е таму цел живот. На плоштадот Сан Карло во Торино може да се прочитаат 23 факти за него, дел лични достигнувања, дел рекорди тешки за надминување.
На крајот на текстот стои и една порака која гласи: Сега заборави на сè и почни од ново.
Изумот е на неговиот спонзор Најк кој се рекламира на ваков штосен и невообичаен начин.
Ова се фактите за Роналдо со кои гигантската спортска компанија ја направи рекламата која боде очи.
- Прв играч во Европа кој успеа најбрзо да стигне до 350 гола за еден тим на 335 средби.
- Прв играч кој постигна 40 голови во две сезони по ред.
- Стрелец е на сите минути од прва до 90-та.
- Единствен играч во историјата со 60 голови во една година (тоа му успеа четири години по ред).
- Постигна 5 гола и направи една асистенција на еден натпревар.
- Стана единствен играч со повеќе од 50 голови во шест сезони по ред.
- Стана најдобар стрелец на сите времиња на твојот тим (451 гол).
- Постигна најмногу голови (15) на седум првенствени натпревари по ред.
- Освои 15 трофеи со твојот тим.
- Постигна 573 клупски голови.
- Има 763 клупски настапи.
- Прв стигна до 100 голови на европските клупски натпреварувања.
- Најдобар стрелец на европските клупски натпреварувања со 123 гола.
- Најдобар стрелец во Лига на шампиони со 120 гола.
- Постигна најмногу голови (15) на седум натпревари по ред во ЛШ.
- Најдобар стрелец во топ 5 европските лиги со 396 гола.
- Единствен стрелец на 11 средби по ред во ЛШ.
- Единствен стрелец на три финалиња во ЛШ.
- Најдобар стрелец во една сезона во ЛШ со 17 голови.
- Најголем број на освоени европски финалиња (5).
- Најголем број на премии како најдобар играч за клуб, во Европа, во свет (4).
- Единствен фудбалер со 10 гола против еден ист тим во ЛШ.
- Пет Златни топки
