Левандовски не е со сите

Оптоварени со тоа до каде одат и какви рекорди поставуваат Меси и Роналдо, подзабораваме по малку на Роберт Левандовски. Човекот кој шест сезони е константна гол машина во Баерн, шест сезони шампион и во пет од нив не е под 40 гола по сезона.

Одиме веднаш со конкретни бројки, тазе остварени на осминафиналното соочување против Челси, кои покажуваат дека Роберт е голем играч, затоа што сам решава големи натпревари, како оној против Сините од Лондон.

Пољакот замислете учествувал во сите 7 гола на двомечот, 3 пати како стрелец и 4 пати како асистент, нешто што се нема случено во Лига на шампиони 15 години.

7 - Robert Lewandowski was involved in all seven of Bayern Munich's goals against Chelsea in the Champions League this season (3 goals, 4 assists). He was the first player to register 3+ goals and assists against an opponent in a season since Luis Figo in 2004/05 vs Roma. Heaven. pic.twitter.com/6YnMObD34i
— OptaJoe (@OptaJoe) August 8, 2020

Знаете ли колку голови има постигнато сезонава во ЛШ? 13, што е рекорд во една сезона пред четвртфинале. Тоа значи дека има можност со еден гол да го стигне Меси кој има постигнато 14, како и рекордерот Роналдо кој е прв со 17. Нивните бројки се постигнати за една цела сезона.

На мечот против Челси, Левандовски го мина Бензема на листата на најдобри стрелци во ЛШ, а следен за поминување му е Раул.

Инаку со исклучок на деби сезоната во Баерн со 25 гола, секоја сезона дава по минимум 40 комада на сите натпреварувања, а оваа му е рекордна со 53. За шест сезони во Минхен стигна до бројка од 244 погодоци.