Леао од Милан го постигна најбрзиот гол во историјата на Серија А

Фудбалерите на Милан продолжија со победите , а на мечот со Сасуоло го постигнаа и најбрзиот гол во историјата на Серија А.

Делуваше нереално откако Рафаел Леао за само 6,2 секунди го отвори резултатот, по акција во која фудбалерите на Сасуоло стоеа во неверување, а гостите славеа водство.

Почетниот удар на мечот го изведоа Чаланоглу и Леао кој истрча експресно и го матираше противничкиот голман Консиљи:

Претходно рекордот долго време го држеше Паоло Поџи од Пјаченца кој во декември 2001-ва против Фиорентина постигна гол за само 8 секунди од стартот. Во сите професионални светски фудбалски лиги најбрз погодок се смета оној на Карлос Алмеида од 2011-та година. Бразилецот тогаш дал гол во 3-та секунда на меч од 4-та португалска лига.

21 декември 2020 - 09:31

Штета ако сте пропуштиле

Добрите духови постојат

Најдолгите минути во историјата на најавите

Како Черчил ги издаде грчките партизани и Егејците

Молчењето е Талат