Не така одамна, мајката на Џанлуиџи Донарума, Маринела морала пред секој натпревар на младите категории во локалниот тим во Неапол да носи потврда за годините на својот син. Тогаш 11-годишниот Донарума поради импозантната висина делувал многу постар од своите врсници и имал само еден сон - да брани за Милан, клубот за кој навива од мал.
Џанлуиџи за првпат почнал да се интересира за голманските ракавици на 4-годишна возраст, кога често играл со неговиот вујко Ернесто кој е тренер на голмани по професија.
Клупата на Синиша Михајловиќ сериозно беше разнишана и делуваше дека Синке се одлучи за очајнички потег. Меѓутоа, се испостави дека кој ризикува, профитира. После мизерните резултати од почетокот на сезоната и три натпревари без победа, во оган го фрли голобрадиот голман роден на 25. февруари 1999. година.
Во Серија А дебитираше во триумфот на Милан од (2-1) против Сасуоло, а потоа против Киево (1-0) се погрижи Милан првпат сезонава да ја сочува мрежата. Неверојатниот настап на Донарума беше клучен во победата на Милан против Лацио на гости (1-3). Минатиот викенд, Росонерите одиграа само 0-0 против Аталанта, во меч во кој Донарума ги спасуваше домашните.
Иако стана најмлад голман стартер во историјата на Серија А со 16 години, 8 месеци и 6 дена, 196 сантиметри високиот Џанлуиџи Донарума реши да биде некој за кој ќе пишува цела Европа. Четири натпревари, три победи, едно реми и два пати сочувана мрежа. Одличен учинок за момче од едвај 16 години. Неговиот брат Антонио е исто голман, кој брани во Џенова, а беше член на Милан пред две сезони.
Дебито и бравурозните одбрани на Џанлуиџи Донарума:
