Два пати годишно, на последниот ден од летниот и зимскиот трансфер период, хотелот АТА во Милано станува најважниот објект во италијанскиот фудбал.
На ова место во центарот на градот, претставниците на сите водечки фудбалски клубови од земјата ќе се обидат да ги направат своите зделки во последен момент.
Директори, агенти, новинари, а понекогаш и фудбалери, пристигнуваат во хотелот и сите работат заедно, а некогаш и против другите, за да добијат по некој потпис пред да се затвори трансфер пазарот.
Како функционира? Секој клуб од Серија А и Серија Б има своја „канцеларија" - мала соба со телефон и биро каде што се преговара и се потпишуваат договори.
Кога ќе се договори некој трансфер, потребната документација се доставува до надлежните од фудбалската федерација кои исто така имаат своја импровизирана канцеларија во хотелот.
Денес дефинитивно ќе биде луд ден во хотелот АТА во Милано.
