Ибрахимовиќ и Касано си заминаа, Робињо и Пато се повредени, но Милан сега имаат нова ударна сила во нападот - Џампаоло Пацини.
Росоњерите поведоа преку новото засилување кој во 16-та минута од пенал го постигна својот прв гол во дресот на Милан. Тој беше задржан од Керубин во казненото поле и судијата не се двоумеше да досуди пенал и покрај тоа што повторените снимки покажаа дека имаше обострано влечење.
Во 42-та минута судијата повторно покажа на белата точка, но овој пат на спортивната страна. Ночерино го фаулираше Диаманти, а истиот фудбалер успешно го изведе и пеналот за 1:1 на полувремето.
Во 77-та минута Пацини ја искористи грешката на голманот Аглиарди по еден корнер и повторно го врати Милан во водство.
Истиот фудбалер во 85-та минута повторно се запиша во листата на стрлци. Тој го смени правецот на топката по ударот на Ночерино и го комплетираше својот хет-трик за првата победа на Милан во новата сезона.
СЕРИЈА А, 2. коло
сабота:
Торино - Пескара 3:0 (1:0)
Згриња 34, Бриги 59, Бијанки 63
Болоња - Милан 1:3 (1:1)
Диаманти 40п - Пацини 16п, 77, 85
недела:
Удинезе - Јувентус 18:00
Каљари - Аталанта 20:45
Катанија - Џенова 20:45
Интер - Рома 20:45
Лацио - Палермо 20:45
Наполи - Фиорентина 20:45
Парма - Киево 20:45
Сампдорија - Сиена 20:45
