Гатузо од радост рогаше топки во публика, Ракитиќ се соблече гол во кафана

Најголемиот темперамент меѓу италијанските тренери, спобудале од радување по последниот свиреж на големото хрватско дерби. Се појави снимка и од славејто после натпревар.

Хајдук го доби Динамо Загреб 1:0 со голот на 21 годишниот Никос Сигур, за делириум на Пољуд каде на големо се славеше победата на дербито.

Домаќините имаа посебна камера која го снимаше само Џенаро Гатузо, почнувајќи од последните мигови пред судијата да свирне крај, па сè до неговото славење на цел терен.

Гатузо славеше во негов стил. Гушкаше и фаќаше за врат кого стигне, а потоа почна да рога топки во публика. Но неговото лудо славење очигледно не продолжува после натпревар.

„Како ќе прославам? Со добра пица која ќе ми ја направи жена ми и со газирана вода, а можеби и со чај со лимон. Не пијам алкохол четири и пол години поради здравствени причини. Сигурен сум дека моите играчи ќе надокнадат за тоа“, изјави Гатузо.

И веројатно надокнадиле, со оглед на снимката која се појави од кафана, каде Ракитиќ со уште еден од тимот слават голи качени на стол.

Инаку од македонските играчи само Стефан Ристовски настапи на дербито. Адеми и Трајковски останаа на клупа.

Хајдук како првопласиран има +7 од Динамо и +3 од Ријека. 

2 декември 2024 - 11:37

Штета ако сте пропуштиле

Приказните зад антологиските корици на албуми

Жанр кој никогаш не изневерува

Дрогаш еден масен

Историја на белградското блудништво