„Movember (или по нашки Муември) е едномесечна акција за подигнување на свесноста за ракот на простатата и други здравствени и психички проблеми на мажите, за кои тие - бидејќи се големи фраери - обично молчат. Солидарноста со оваа акција се покажува со едномесечно растење мустаќ, во облик и должина која ќе ја одберете. Притоа полот на растачот не е стриктно одреден. Битна е добрата намера“, вели Букбокс и ние даваме поддршка, освен на оној делот со полот.
Во последниве години многу фудбалери, а и цели тимови пуштаат бркови само овој месец, но за некои фудбалери и тренери тие се постојан дел од имиџот. Се надеваме дека ќе ве мотивираме да ја поддржите акцијата откако ќе се присетите на дел од најдобрите фудбалски бркови.
