Фудбалер на Баерн ја утнал маската за Халоувин, па му се сипаа Арапи

Додека голем дел од фудбалерите вечерта на Халоувин облекуваат маски да изгледаат што е можно пострашно, Бразилецот од Баерн Минхен се решил за арапска наметка и марама но и еден детал кој ги погодил луѓето од тој дел на светот кој се облекуваат така.

Бекот на Баварците, Рафиња облекол традиционален арапски костим и со себе понел две кутии на кои пишувало Vorsicht (Внимание!).

Баерн Минхен на социјалните мрежи ги објавил фотографиите од заедничката забава на играчите, но наместо интересни коментари, следувале гневни реакции поради маската на Рафиња кој глумел терорист:

„Никогаш не сум навивал за Баерн, но Саудијците кои го бодрат овој тим веќе треба да престанат со тоа. (Постапката на Рафиња) е глупава и непромислена!“, пишал некој корисник на Твитер од Саудиска Арабија, а други додале:

„Ова е болно... не сите Арапи се терористи. За вас можеби е забавно но не знаете како ги допира другите.“

„Да се облечеш како човек од Персискиот залив со интенција дека тоа е поврзано со тероризам е чиста нетрпеливост.“

Баерн Минхен набрзо ја тргнал фотографијата со Рафиња а тој самиот лично се извинил но прво пак згрешил затоа што извинувањето за сликата го наменил за целиот арапски народ, а потоа брзо додал неутрален пост:

„Хелоуин е страшен празник со страшни костими. Со овој косим не сакав никого да навредам или да повредам нечии чувства“, напишал Бразилецот Рафиња.

 

2 ноември 2018 - 13:37

Штета ако сте пропуштиле

Филмска препорака

Добро е, оставил телефон

Канцелариска марфологија

Да бе!