Дојдете со 7 играчи ќе ви играме, другите се позитивни

Најнеизрамнетата игра за време на пандемијава се одигра во Колумбија и тоа во прва лига каде Агилас Дорадас одигра натпревар на мускули кој траеше 79 минути. Прв тим не можеа да состават, а не па резерви.

И покрај нивните молби да се одложи натпреварот, колумбиската прва лига го принуди Агилас да се соочи со Бојака Чико на ептен неферски начин.

Поради 16 заразени од Ковид и 7 повредени, кутрите домаќини истрчаа на терен со 7 играчи во формација 3-2-1.

Импресивната страна на оваа анти-фер плеј приказна е тоа што момците јуначки издржаа 57 минути да не примат гол. Кој знае колку трчање барал мечот за да ги надополнат отсутните.

Потоа примија уште два гола, а 79-та минута натпреварот мораше да биде прекинат откако Џовани Мартинез се повреди. Според правилата со 6 играчи не може да се игра натпревар, што значи им фалело уште еден отсутен за да ја одложат.

Од Агилас велат дека го одиграле мечот со цел да избегнат строги санкции, а кога го објавија составот на Твитер изреволтирано напишаа дека ова се седуммината повикани на најнееднаквата игра во историјата.

По прекинот на мечот од клубот имаа уште еден твит:

„Го загубивме мечот, но ќе ја добиеме битката против Ковид 19. Многу сме горди на вас момци“.

13 април 2021 - 10:29

Штета ако сте пропуштиле

Порано се одеше на Тјентиште, Кадињача, Јасеновац....

Трите претсмртни желби на Александар Македонски

Роршах тест за грешни мисли

На п’т далечни ја ќе се стегнам