Делириум во прес центарот на Филип Втори

11 октомври 2016 година како датум ќе биде запишан со златни букви во македонскиот фудбал и спорт воопшто. Македонија оди на Европско првенство во фудбал, успех за кој мечтаевме повеќе од две децении, а кои го остварија хероите на Боби Милевски.

Украина без резултатски мотиви го тресна Исланд на гости 2:4 и го турна на второ место во групата, резултат кој сите на арената Филип Втори го следевме на телефоните.

Нашите момци играа оро во прес центарот на Филип Втори и вечерва заслужено ќе слават до доцна. Тие се првата фудбалска селекција на Македонија која успеа да се пласира на Европско првенство. Им симнуваме капа за успехот.