Дејвид Мојс во скаутска мисија

На стратегот на Јунајтед сигурно не му е лесно. Годината само што почна, а тој веќе се соочи со елиминациja во ФА купот и пораз на првиот полуфинален меч во Лига купот. Чаре сепак мора да се бара, а тој се реши за европска турнеја во која бара квалитетни фудбалери кои ќе треба да му помогнат да излезе од калта.

Мојс заедно со својот асистент Фил Невил, како и главниот скаут на тимот, за четири дена посетија шест натпревари во четири земји, но нивната потрага по засилувања продолжува и вечерва за кога е предвидено да проследат во живо уште два меча.

Дејвид Мојс ќе оди на „Сан Паоло" за да го следи натпреварот од италијанскиот куп помеѓу Наполи и Аталанта, а неговиот скаут го прати во Португалија на мечот помеѓу Порто и Пенафиел во рамките на купот.

Гетафе – Рајо Ваљакано (Премиера)

Скаутирани играчи: Сол Нигуез (среден ред)

Атлетико Мадрид – Валенсија (Копа дел Реј)

Скаутирани играчи: Диего Коста (напаѓач), Луис Филипе (одбрана)

Присутен: Фил Невил