Пафос од Кипар, Бодо Глимт од Норвешка и Каират Алмати од Казахстан направија сензација во 3. квалификациско коло од ЛШ и се изборија за прв историски настап во групната фаза или од лани, во единствената група од ЛШ.
И покрај тоа што важеше за аутсајдер во дуелот со Црвена Ѕвезда, Пафос го елиминираше поранешниот европски шампион со нестварно голчиште во 89-та минута за конечни 1:1, после изненадувачкиот триумф во Белград од 1:2.
Србите поведоа во 60-та минута преку Иваниќ, но Жажа во финишот ги збуни сите со ретко виден лоб на прва.
Историја испиша и Бодо Глимт, кој влезе во елитата со убедливи 6:2. Синоќа загуби на гостувањето од Штурм со 2:1, но работата си ја заврши дома со убедливи 5:0.
И како круна во овие квалификации е Каират Алмати од Казахстан, кој го елиминираше Селтик на пенали после двата меча кои завршија без голови.
