По речиси 20 години богата фудбалска кариера со врвни успеси, Серхио Бускетс соопшти дека на крајот од сезоната во МЛС која завршува за неколку недели, оди во пензија. 37 годишниот Шпанец заминува како легенда на Барселона со 722 настапи и 32 трофеи во 15 сезони, од каде направи трансфер во Интер Мајами и запиша 105 настапи. За Шпанија одигра 142 средби и стана светски и европски првак.
