Бергамо не спиеше, градот е во транс за епското достигнување во ЛШ

Никогаш немаат освоено меѓународен трофеј, никогаш немаат освоено Скудето, никогаш претходно не играле во Лига на шампиони, а од ноќеска се во исто друштво со Реал, Баерн, Барса, Ливерпул и останатата европска елита. Бергамо е град со само 120.000 жители.

„Синко, слушај сега, оваа ноќ ќе им ја раскажуваш на внуците, му вели таткото на својот 8 годишен син. Тато 3 саат по полноќ е, утре сум во школо. Добро де, утре ќе рипнеш школо или ќе закасниш. Јас ќе и кажам на мајка ти. Не треба многу објаснување, Аталанта е во осминафинале на ЛШ“.

Вака течел еден од муабетите на аеродром, каде во ниедно време навивачите на Аталанта ги чекаа своите херои. Нема спиење, бидејќи ова што го остварија е историско, епско и неповторливо.

Тимот кој лани беше страв и трепет, кој заврши четврт во Серија А, кој го елиминираше Јуве во Куп и стигна до финале, оваа година дебитираше во Лига на шампиони. Ама какво деби за овој италијански состав е ова. Се пласираа за прв пат и стигнаа до осминафинале.

Пазете го ова, Аталанта по првите 4 кола имаше само 1 бод. Со букви ЕДЕН. И пак успеа да влезе во топ 16. Во претпоследно коло го победи дома Динамо Загреб, а синоќа се врати со луд резултат од 0:3 остварен во Доњецк.

Табелата во групата Ц на крај изгледа вака: Манчестер Сити 14, Аталанта 7, Шахтјор 6, Динамо 5. Па на сон не можеа да посакаат повеќе. Синоќа во делириум беше и аеродромот и центарот на градот. Ова се тие незаборавни фудбалски моменти кои ќе се раскажуваат со години.

12 декември 2019 - 09:25

Штета ако сте пропуштиле

Един народ, две планети

Водно, извини

Ова е за нас

Зошто јадењето месо во Америка е како да се храниш во аптека