Најдобро платени фудбалери на светот според магазинот Форбс:
Стивен Џерард - 16 милиони долари
Доживотниот капитен на Ливерпул оваа година ќе наполни 32 години, а во јануари доби продолжување на договорот. Неговата заработка најмногу доаѓа од платата од клубот, но има и неколку помали спонзорски договори како оној со Адидас.
Френк Лампард - 16 милиони долари
Лампард годишно заработува околу 12,5 милиони и „само" околу 3,5 милиони од спонзори, но оваа бројка може да се зголеми следната година кога ќе му заврши договорот со Челси и ќе ги следи стапките на Бекам со преминување во САД.
Фернандо Торес - 17 милиони долари
Најскапото засилување во историјата на Премиер лигата за кого Челси плати 50 милиони фунти, освен платата од клубот, заработува и од Пепси и Најк.
Јаја Туре - 18 милиони долари
Платата на Туре во Манчестер Сити изнесува 15 милиони долари, а тој ужива и во заработката од неколку спонзорски договори од кој најголем е оној со Пума.
Џон Тери - 18 милиони долари
Тери заработува 12 милиони долари годишно од Челси и имаше неколку големи спонзори покрај него, но тие почнаа да го напуштаат откако тој по втор пат ја загуби капитенската лента, а го очекува и судење за расистичките навреди. Неговиот најголем спонзор, Умбро ја избриша неговата слика од нивната вебстрана, но се уште го спонзорира.
Кака - 21 милиони долари
Бразилецот полека се враќа во добра форма и покрај високата плата од Реал Мадрид, тој си ги задржа спонзорите како Адидас и ЕА Спортс.
Вејн Руни - 24 милиони долари
По неколкуте црвени картони и минатогодишниот скандал со проститутки, Руни го загуби спонзорството од Кока Кола, но неговиот дрес и натаму е најпродаван во Премиер лигата и тој ужива во парите од Манчестер Јунајтед, Најк, ЕА Спортс...
Лионел Меси - 39 милиони долари
Меси заработува скоро 20 милиони долари годишно од Барселона, а неколкуте рушења на рекорди оваа сезона, константно му носат нови спонзорски договори и бонуси од постоечките спонзори како Адидас, Пепси, ЕА Спортс... со што тој заработува подеднакво на теренот и надвор од него.
Кристијано Роналдо - 42 милиони долари
Роналдо има над 42 милиони фанови на Фејсбук и над 8 милиони на Твитер со што тој е најпопуларниот спортист на интернет. Неговата популарност му донесе 21 милион од спонзорите како што се Најк, Кастрол и Конами.
Дејвид Бекам - 46 милиони долари
Бекам не игра во Европа од 2006-та година и не е во репрезентацијата на Англија уште од 2009-та година, но тој се уште заработува најмногу. Тој од неговиот клуб во САД добива плата од „само" 9 милиони долари, а дури 37 милиони долари годишно заработува од Адидас, Самсунг, Бургер Кинг...
