Шалке и Билбао приредија одлична фудбалска претстава за 52.000 гледачи на Велтинс Арената во Гелзенкирхен. На натпревар со 6 гола и 2 пресврти, Билбао докажа дека елиминацијата на Манчестер Јунајтед не била случајна.
Централни фигури на теренот се до 80-та минута беа Љоренте и Раул. Најпрво Билбао поведе со голот на Љоренте, потоа следеше пресврт со два гол на Раул, за во 73-та минута гостите да израмнат со вториот гол на Љоренте.
На десет минути пред крајот Билбао поведе со голот на Де Марко, а конечните 2:4 во третата минута од судиското продолжение ги постави Икер Муниаин.
Уште еден шпански тим беше поуспешен од германски. Атлетико Мадрид со голот на Салвио во 89-та минута го победи Хановер.
Третиот шпански претставник, Валенсија беше поразена на гостувањето кај АЗ Алкмар, а со истиот резултат Спортинг во Лисабон го победи украинскиот Металист.
ЛИГА ЕВРОПА – ЧЕТВРТФИНАЛЕ:
Атлетико Мадрид – Хановер 2:1
Фалкао 9, Салвио 89 – Диуф 38
АЗ Алкмар – Валенсија 2:1
Холман 45, Мартенс 79 - Топал
Шалке – Атлетик Билбао 2:4
Раул 22, 60 – Љоренте 20, 73, Де Маркос 81, Муниаин 93
Спортинг Лисабон – Металист Харков 2:1
Измаилов 51, Инсуа 64 - Ксавиер 91п
