Пред кај нас годинава да падне каков било сериозен снег, едно писмо на Хрват (не до нас) инспириран од тамошното натрупување со снег што им се случува деновиве, на тема возачи и возење на снег. Сè може и тука да се искористи.

Пазете што сè има во овој спот: жени цимаат мартини, мажи локаат коњак во огромни чаши, икање како битбокс, халуциногено свирење на кочани пченка, травестити... А спотот е од - 1945-та година.

На една преносна Олимпија, купена на 16 години за 40-тина долари. Секоја книга, сценарио, есеј, скеч ги има штракнато на неа а таа и после 60 години тормозење и натаму работи "како тенк". Погаѓате како функционира Ctrl X и Ctrl V?

Колку пати треба да си ги видел своите родители како знаат да се одземат на домашна забава за вака да ти е јасно во кој точно момент треба да ја напуштиш сцената?

Има сигурно повеќе отколку што ќе помислите. Главна причина е што има 21 година помлада жена.

Ако се живи и здрави, точно 11 возрасни сопруги го погледнале овој клип и си рекле: Цел живот си остана ист овој мојов....

Памтите кога Али Џи убедуваше ортодоксни пријатели на животни дека на една лисица и е многу подобро околу вратот на Џенифер Лопез отколку да мрзне во шума? Во следниов пример: каде му е подобро на еден глушец, во канта за ѓубре или во неговата природна средина?

- Ќе излегуваме вечер? - Не бе, ми се седи дома. - Како бе ти се седи дома? - Ете така.

Трендо, Јурук и Невенка се единствените луѓе на Земјатa кои задоцниле на концерт на AC/DC (бидејќи се запија пиво). Какви се сите останати следбеници на бендот ќе видите во импресивниот спот на "You Shook Me..." Фанови, фолоуери? Не, не, армада со која може да се освои планетава!

Постојат држави кои посакуваат да станат 51-вата американска сојузна држава. ПОследни тоа рефенрендумски го посакаа луѓето на Порторико (61 процент од излезените). Но, легендарниот републиканец Њут Гингрич имаше далеку похрабар план.

За да ги избегнат ригорозните правила за протестирање, противниците на последниот европски диктатор Лукашенко почнуваат револтот да го изразуваат со аплаузи. Лукашенко ја сфаќа финтата и донесува закон со кој јавното аплаудирање станува нелегално.

Иако неупатените би можеле да помислат "кој ова може да си замисли?" ви тврдиме дека ова е нај- нај-најјаката реклама произлезена од овие региони. Босна, Лото и.... ќе видите!

Сер Николас Винтон е Британецот кој за време на Втората Светска Војна го организирал спасувањето и вдомувањето на 669 претежно еврејски деца од Чехословачка во Британија. Долги години по акцијата Винтон никому не му кажува за подвигот што го направил, се додека неговата сопруга не ја открила тетратката со нивните имиња. Во 1988-ма во емисија на БиБиСи тие решаваат да го изненадат.

Сите мудри луѓе кои продреле во тајните на женската сексуалност, нека ни објаснат дали она тоа намерно го заеба?

Ако вака изгледа иднината на концертите, тогаш сакаме да ја дочекаме само за да прочитаме осврт на некој овдешен музички рецензент каква била шутката.

За разлика од некои новинари чии изразни средства се сведуваат на тоа да викаат "Уааааа" (по што тогаш се разликуваат ваквите професионални брусачи на мисли и зборови од некоја митингашка руља која го обожаваа истиот "цитат"??), Стивен Колберт може да ви објасни цел феномен на атомска експлозија и без да зуцне.

Изволте една огромна слика од Њујорк, колку да видите како изгледа еден прецизен ГУП и ДУП. Побарајте слична слика од Кисела Вода или Гази Баба и ќе почнете да сфаќате зошто нам ни фенг шуи не може да ни помогне.

Исти сме. Само што нас маката не принудила да ги приспособиме обичаите.

Освен ако не си во Мексико на плажа во моментов, прилично се големи шансите дека се корнеш од пцуење што зимава реши да стане зима. Еве некои совети што ќе ви дојдат добро дури и за во времето кога ќе имаме снег.

Рускиот претседател Бадник го дочека во една црква во Сочи. Во еден момент Путин клекнува и му шепнува нешто на едно дете до него. Никој не знае што, ама јасно е дека животот на детето веќе никогаш нема да биде ист.

Кога ќе прочитате што сè има лупнато секогаш кога некоја грешка во Матриксот му има отворено уста, ќе ви биде фасцинантно што Жан Клод Ван Дам воопшто успева да си ги запамти сите 4 делови од името. Иако, неговите фанови тврдат дека тој е баш надарен за "ретко сликовити метафори".