Off Topic

Цензурата штотуку почнува, само сега ја викаат слобода

Зад нас е една деценија демонизирање на поранешниот претседател како лудак, монструм, Аца Шиптар и Аца педер, диктатор и шеф на мафијата кој нема мирно да ја предаде власта на изборите. Како сега со тоа да се прекине тукутака, преку ноќ? Не памтам вакво сладострастие во понижувањето на другите. Не памтам ни вакво отсуство на срам од најниските побуди.

Некои луѓе имаат време. И тонер.

Еден обожавател на филмската франшиза „Дина“ испечатил 240 постери со кадри од својот омилен филм и ги поставил по прецизен редослед покрај еден пат. Зошто? За кога некој ќе помине со возило покрај овој дел со одредена брзина, статичните слики покрај патот да му се спојат во течна анимација и „да му направат филм“. Океј.

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

До Епл, околу Ајфон 6

Едно клучно прашање од човеков - кој ви рече дека сакаме поголем телефон? А по пат ќе ги закачи и за еден куп други работи, плус има и за АјВоч неколку прашања.

Проблеми на татковци со брада

Веројатно децата се единствени луѓе што нема да те испрашаат и да ти направат инстант психо-тест за тоа што си пуштил брада. Барем додека се прцули. Ама затоа оди објасни им дека си истиот човек кога ќе ја избричиш.

Каде се денес?

Што се случува со цртаните ликови кога ќе им заврши славата? Кој се здебелил, кој се вработил во супермаркет, кој работи во телефонски центар. Има и некои што им оди добро.

Резервниот

Мобилен телефон што е само телефон и толку. Служи за не дај боже ако се останато што имаш за комуникација крахира и си во тесно. Функционира со само една обична батерија АА (од малите, не од најмалите) и има животен век од 15 години.

Ситно, ситно

Не може да ви објасниме со кое неверување го изгледавме видеово, и после тоа пак уште еднаш. Детево се вика (барем уметнички) Fik Shun, и до вадење од памет ја има навежбано песнава.

Првото шоу на Џон Стујарт после 11-ти септември

Се случува на 20-ти септември, и во него Стујарт го кажува своето гледиште околу целата ситуација, и како човек чија главна работа е да ги насмее луѓето треба да се снајде после таква трагедија.

Рапот, тоа е суштина

Ова веројатно е првото претставување на рап музиката на еден голем американски медиум. Од емисијата 20/20 на Еј Би Си во 1981-ва година (за споредба, Yo! MTV Raps доаѓа дури 7 години подоцна). Освен документаристичката вредност, прилогот е занимлив и заради темелноста и професионалноста која денес тешко се среќава. Плус, човек може повторно да се заљуби во Деби Хари.

Многу деца, многу разочарани од живот

Глупо е да му се смееш на човек што има проблем, ама кога е во прашање човечки пинцур а проблемот е што му избегал балонот, природно е да му фаќаш сеир. Предупредување, дечурланава масовно ќе ве фатат на емоции и на крај може да завршите поразени.

Supervenus

Да пренесеме технички за видеово: автор е Фредерик Доазан, снимено е 10 кадри во секунда, и до сега има собрано едно десетина награди на најразлични фестивали. Тема - жена.

Провери колку не си зависен од мобилниот

Дојдовме до момент во човештвото кога стана успех да издржиш 30 минути без да пипнеш телефон. Апликација (иОС / Андроид) на тема продуктивност / фокусираност ви дава да насадите дрво на кое му требаат 30 минути за да порасне. Кога ќе порасне оди кај вас во шума. Ако во овие 30 минути го пипнете телефонот, дрвото згинува.

Како се заклучува врата со виљушка

На пример, сте купиле нова кукла на дување и сакате да ја пробате на раат во соба која нема клуч на врата. П.С. Дувајте ја дури откако ќе ја сфатите финтата бидејќи типот од видеото толку споро раскажува што е можно малата да се издиши.

26 филмови за до крај на година

Лежерна есен без премногу супер-херои, галаксии и апокалиптични уништувања. 26 филмови со 26 трејлери. Направете пауза.

После ова ќе мислиш дека цел живот си сакал рагби

Пред почеток на следна летна сезона, го викаме Чарлс Денс во Охрид, му ги постројуваме келнерите и тетките од сендвичарите и таксистите и пазарџиите. Мора да успее.

True Bull

Пред три години беше адвокат на Линколн, денес е негов возач. Метју Меконахи, облечен како Расти Кол од True Detective наспроти еден голем бик. Рекламната серија ја потпишува Данецот кој го режираше Drive.

А ова сме ние во Универзумот

Група научници ја прават најголемата мапа на Универзумот, и каде во него се наоаѓа Млечниот пат (збутани сме во ќош еден). Најлошото нешто што може да излезе од ова видео е што ќе осознаеш колку премногу си небитен.

Животот не станува полесен, ти стануваш подобар

Во епизода на Луи од 2011-та, Луи Ц.К. размислува да се откаже од комедијата. По едно шоу се среќава со Џоан Риверс и таа го разубедува и му објаснува зошто станала комичарка, момент што само он може да го сфати како погодно време за да и се фрлиш на Риверс.

Игра на ефектите

Годинава на Емми наградите Родео ЕфИкс беше победник во категоријата Извонредни специјални и визуелни ефекти. Наградата ја доби за работата на 4-та сезона од Игра на тронови. Еве што им е работа. (потенцијални спојлери)

Синтол-мен, билдерот од Багдaд

Секоја почит на тоа што човек се решил да се посвети на вежбање, и тоа сред Багдад, сред сите несреќи што таму секојдневно се случуваат. Сето ова тргнува да биде многу инспиративно, се до моментот со синтол, една од најидиоските состојки што може да ја искористи човек што вежба. Тоа личи вака:

Сајт за колегите што ги имаат најголемите звучници во канцеларија

Ако ти си човекот од насловот, отворај линкот и почни со злоуставување на колегите (кое не веруваме дека долго ќе ти успева). Инаку, зезалицата е семплер (лупер) со неколку инструменти, што вие ги бирате и "свирите" со кликање во тоа црното. На крај, наспроти целата веројатност сајтов некако успева да извади нешто од вас.

Девојката од илјадарката

Тоа беше легендарна банкнота (дело на Андрија Миленковиќ), никогаш фалсификувана бидејќи содржи преку 40.000 нијанси. Таа веќе не постои но затоа постои девојката од нејзината насловна, која сега е тетка и е малку лута што нејзиниот лик го искористиле за да продаваат брашно.  

Како се прави песна на Mumford & Sons

Дрмај ја акустичната гитара во ист ритам, пеј меко па пеј гласно, кукај по жена на најнесекси можен начин и одеднаш развикај се. Така на црнец му звучи блуграс штимот на Мамфорд.

ИКЕА го пародира Епл

Без никакви кабли, батериите наполнети и траат вечно, дисплејот може да се зголеми, содржината е со висока резолуција и не се троши време на вчитување. Не е дигитална книга, туку е книга- книга. Феноменален уред.