Off Topic

Некои луѓе имаат време. И тонер.

Еден обожавател на филмската франшиза „Дина“ испечатил 240 постери со кадри од својот омилен филм и ги поставил по прецизен редослед покрај еден пат. Зошто? За кога некој ќе помине со возило покрај овој дел со одредена брзина, статичните слики покрај патот да му се спојат во течна анимација и „да му направат филм“. Океј.

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Политичар е за да те фарба

Во 2021 година, локални политичари во изборна кампања решаваат да им покажат на своите гласачи дека тие се луѓе од народот па наместо само ветувања, да демонстрираат дека се подготвени конкретно да им помагаат на луѓе. На пример, да освежат со боја фасада на една скромна куќа, па удираат ваљак, се разбира, пред камери и новинари. Да ја видите куќата пет години подоцна.

Учиме шпански со Пабло Ескобар

Како што фановите сфаќаат дека шпанскиот им легнува, посебно кога се уфилмани после сезона Наркос дека они се нарко-босот што го тресе светот, така маркетинг агенцијата на Нетфликс сфаќа дека тоа е рекламата што им фали до тогаш. Резултат, лекции по шпански со Пабло Ескобар (ака Вагнер Мура).

Домот од кој децата одат во рајот

Мохамед Бзеек се вика оваа људина која во последните 20 години има вдомено преку 80 деца. Ги зема оние кои никој ги нејќе, оние кои често заради неизлечива болест, се осудени на смрт. Им зборува без разлика дали можат да го разберат. И ги гушка, затоа што гушкањето сите го разбираат. Дека имаат некого покрај себе.

За чист Холивуд

Некоја надобудна 20 годишна студентка фатила па ја зачистила ѕвездата на Доналд Трамп на холивудската патека на славните (како кај нас теткине што чистеа споменици) и гордо покажала како се покажува почит кон претседателот. Нормално, ја издишија од ремет. Не со онаа овдешна патетика (од кај ѝ се парите за крпчињата, се чисти ли фашизам и сл) туку со хумор и иронија од кои нема одбрана.

Клубот на досадни мажи

Никој не им натура дека се досадни, сами решиле дека се такви, а и не се нешто посебно досадни, само прават работи што нив ги интересираат, како собирање шишиња од млеко или воодушевување од кружни текови.

Фотограф на местото на злосторот

Мариус Вит е германски фотограф со еден куп награди и репутација во тоа што го прави. И она што сака да ви порача е дека секаде, на секое ќоше, можеш да направиш врвна фотографија, која ќе ти изгледа како да си ја кадрирал во Њујорк или Токио. Ќе ви објасни и како.

Дрводелецот што го мразеше својот принтер

Може некогаш те изнервирало некое парче хардвер, ама никогаш не те изнервирало доволно за да фатиш да направиш токмак за да го здробиш.

Агушеви парчето во Окџа

Филмот е корејски (и за него Букбокс пишуваше тука), парче од музиката за филмот е македонска, поточно "џамбо-агушевска". Џамбо е автор и композитор, а ја свират Џамбо плус остатокот од Агушеви.

Трка во која треба да завршиш петти

Десетмина се на стартот, трчаат на 100 метри за две екипи, секој е на својата патека. И сè е нормално, освен што овде победува оној кој трката ќе ја заврши на петтото место. Како тоа функционира? Маалски тагови: на сец, цапање.

Ова е подобро отколку што ви личи

Кој да знае дека тројца дебели Корејци во кола е една од најсмешните работи што можат да ти се појават на интернет. И ич да не ти смета што ништо да не ги разбираш што зборат.

Премиер на денот

Премиерот на Индија Нарендра Моди на стадионот Индира Ганди во Њу Делхи ги најави најголемите даночни реформи кои земјата ги видела во последните 70 години. На рајата ѝ порача дека тоа ќе биде задача која ќе бара многу жртви што можеби го објаснува неговиот музички избор за крајот на говорот - Империјалниот Марш на Дарт Вејдер од Ѕвездените војни.

Како се местеше плочникот

Замисли слагалица, само го знаеш местото на секое парче и цела работа ја вршиш од машина. На човеков тоа му е работа, а слагалицата му е да составува онакви павер елементи по јавни површини.

50 нијанси машка верност

Или како што правилно ќе забележи старата женска поговорка: "Не е верно сè што ќе каже не." (П.С. во дискусија околу ова никако немој да употребиш - ама она прва почна, затоа што толку ќе биде од тебе.)

Приказната за Раде Кончар и неговиот син Раде Кончар кој се венчал на улица „Раде Кончар“

Да се потсетиме ние на вистинската партизанштина на која подзаборавивме од онаа блеферската која последниве години ни ги потече јајцата (ене ги, моментално се ухлебуваат по државни институции). Усташите не само што го убиле прочуениот револуционер Раде Кончар, не само што ја фрлиле од прозор неговата жена туку за да ја сотрат цела лоза, понудиле неверојатна награда и за нивното бебе. 

Првата Кока-кола во животот

Најубавиот дел од тоа да се биде родител во денешно време е што можеш да го документираш секој резил на твоето дете, и притоа да не ти е многу гајле дали ти си го наместил или не.

Што точно значи „снимано на Ајфон“

Тоа што нешто е снимано на Ајфон (или кој било смартфон), не значи дека е снимано само со него. Генерално, можеш и само со смартфон изваден од кутија да снимиш махерско видео. Ама генерално за тоа треба да ти се потрефат многу повеќе работи (дел од денот, природно светло, агол...), отколку што ти имаш време за трошење. Затоа тука се додатоци, од типот - секакви (ако имаш пари).

Нека, не сметате, терајте си

Не знаеш на кого му е појако на музичарите што мислат дека публиката паѓа во транс по нив, или на песов што од нигде никаде доби аплауз од цел аудиториум. Него сериозно, не се устручавајте, продолжете...

Испрашување на испрашувачите на ЦИА

Двајцата мажи што ги препорачаа техниките за испрашување (тортура) на затвореници на ЦИА се дел од тужбата од поранешни затвореници на ЦИА. Њујорк тајмс ги има видеата од нивното излагање за тоа како тие самите ги опишуваат своите мерки, прикажани паралелно со сведоштвата на затворениците и како тие ги доживеале овие мерки на сопствена кожа.

Како тазе асфалтирани улици пропаѓаат во земја

Проблемот е дупки во земја што изгледаат како од никаде да се појавуваат. Излезе дека нешто е до природа, нешто е до нас. Ако е во град, речиси задолжително е до нас.

Се што не сакавте родителите да ви кажат за секс

Не постои пол, раса или возраст на која не е глупо да се зборува со родени татко или мајка, околу работи за кои најмалку сакаш да зборуваш со родени татко или мајка. А па и стариве се како едвај да чекаат некој да ги праша.

Комшија што рока

Снајперска битка во Рака. Девојкава снајперист што ја гледаме е со курдско потекло и се бори од матичната страна. Од карши е терорист на ИСИС. За него знаеме дека утна, за влакно утна, ама доволно за нашава хероина да остане насмеана.

Најдобрите 2 секунди во твојот живот

Ок, и да не е така 2 секунди се, не дека нешто многу си изгубил.

Што сè палачинки се вртат низ светот

Нашето познавање е ограничено на оние добрите, како што треба да изгледа палачинка, и на оние погачестите, што Американците го водат како палачинка. Имало уште, и некои изгледаат како стварно многу да пропуштаме.

2 месеца до најголемата борба во историјата на боречките спортови

Фанови и публика (претежно) се за Мекгрегор, едноставно ова е негов момент на слава и уште се навлечени на приказната на Ирецот. Од друга страна сè што е стручна боксерска фела (дури и тие што навиваат за Мекрегор) отворено кажуваат дека не постои сценарио во кое Мејведер го губи боксерскиот меч со ММА првакот. На 26-ти август ќе видиме што ќе се случи.