Off Topic

Некои луѓе имаат време. И тонер.

Еден обожавател на филмската франшиза „Дина“ испечатил 240 постери со кадри од својот омилен филм и ги поставил по прецизен редослед покрај еден пат. Зошто? За кога некој ќе помине со возило покрај овој дел со одредена брзина, статичните слики покрај патот да му се спојат во течна анимација и „да му направат филм“. Океј.

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Политичар е за да те фарба

Во 2021 година, локални политичари во изборна кампања решаваат да им покажат на своите гласачи дека тие се луѓе од народот па наместо само ветувања, да демонстрираат дека се подготвени конкретно да им помагаат на луѓе. На пример, да освежат со боја фасада на една скромна куќа, па удираат ваљак, се разбира, пред камери и новинари. Да ја видите куќата пет години подоцна.

Да ти каже тато што ќе правиш секој ден по два пати, а не е миење заби

Не мора да е татко, може да е и мајка, или и двајцата. И не мора да е син, може да е и ќерка. Важно е само да ги изрезилиш малите пред камера објаснувајќи им околу мастурбација, колку повеќе толку подобро. Исто е важно и да бидеш спремен ако ти врати со волеј - а, па знам јас тоа.

Еволуција на Јутјуб

Сајтот за видеа почнува со работа на 14-ти февруари 2005. Од таму до денес, без ниеден кажан збор.

Зошто издиша рутерот?

Сурфаш од лаптоп, додека во позадина ти врти торент, на телефон проверуваш снапови, а во исто време идентично напорно интернетот го имаат јавнато уште други два-тројца што ти се по дома, кога "од нигде никаде" ти паѓа интернетот. Стануваш и со поглед полн презир го гледаш рутерот додека одиш кон него за да го извршиш зафатот што те прави хакер во фамилија - исклучување и вклучување на рутерот во струја. Он ќе пушти пак интернет, ама зошто вака да ти се понаша?

Вештачката интелигенција научи да оди

DeepMind е компанијата на Гугл за развивање вешташка интелигенција. Ова што ќе го видите не се движи грациозно како Наоми Кембел ни цепачки како Џон Траволта во Сатрдеј најт, ама, цаката е во тоа што сето тоа, тие самите го научиле. Ни дубаче, ни бутур,

Лудиот Макс - Венецуела

Чопор моторџии, на АПН-ки и веспи, му се сска на шлепер. За кратко време почнуваат да го гаѓаат со бараж молотови коктели. Шлеперот застанува, овие му се нафрлаат ко пирани и почнуваат да го пљачкосуваат. Што товар има шлеперот? Еден од најдефицитарните производи на пазарот - шеќер. П.С. Додека прават чистка во шлеперот, позади нив стои сосема незанимлива цистерна со нафта.

Што е (старо) новата битка за нет неутралност?

Гугл, Фејсбук, Амазон, Твитер, Редит, Снапчат, па и Порнхаб, повторно мораа фронтовски да се организираат за да го спречат новиот обид на американските власти (а потоа и другите) за укинување на нет неутралноста. Потсетување за што е битката, што некако поверувавме дека е извојувана во 2014.

Малиот кој го скина Брус Ли

Не само фаците туку и сите потези со нончаки од легендарната сцена од филмот Game of Death (во оригинал, ко што сме го гледале во кино: Игра смрти). Ако малиот го кине Брус на оваа возраст, кога ќе порасне, што?

ПЕТА 'рчка во најсветото

Иако само по себе не нешто посебно високо на скалата за "пиар преку скандализирање" ПЕТА се подаде на Твитер да се закачне со сланината. Во нивна одбрана имале они и посериозни напади, ама и ова собра масовна публика, до сега има околу 17.000 одговори, од кои околу половина се на ПЕТА (па оди одржувај им на нив социјални медиуми за 100 евра месечно и наплаќај им за пишување #ДоброУтро секое сабаје). Нивниот твит е "дајте го вашиот најдобар аргумент за јадење сланина".

Русофилите го мавнаа на лажна фотка

Имаше многу фотографии од последниот Г-20 самит но една од нив ги собра сите вирални симптоми. Онаа на која Путин седи како Ѕинго на пауза од конгрес на социјалисти.

Кутрите фински мечки

Како да им е малку што треба да се бранат и справуваат со глад, ловџии и други мечки, па им фалеше уште да се објаснуваат и со наапани Финци со метли и кочијашка уста.

До дискус-хернијата и по нејзе

Од сите прашања што нè мачат околу клипов сакаме да почнеме со овие три: Што толку имате против користење количка? Замисли во живот да те бива само за една работа и ова да е тоа? Ракавици, маска, сандали барем, било што?

Што знае динамит што е 118-метарска зграда

Зградата е изградена 1999, а срушена 2015 со 1,4 тони експлозив. Зошто некој би рушел нова зграда? Затоа што во овие 15 години никој не се вселил во нејзе, што според властите е премногу долг период за таа да може да се пренамени за нешто друго. Спаваш ли мирно Југобанка?

Џорџ Дуплове, фалиш

Кога ќе ги види новите верзии, човек неочекувано може да го пукне носталгија по старите за кои ни во лудило не помислил дека ќе му фалат. Што по стариот добар Боки - нејќам еден, нејќам два, три комада сакам ја - 13, кога беше безбедно заклучен во српско реално шоу со најпрецизен опис на станарите (Фарма), што по претходната будалетинка од Белата куќа, по кого на претходниот сајт имавме крстено и рубрика (Бушалаштини).

Ретро без повод

Иако тешко про-штипско лоби, на каналов по најразлична основа имаат залутано тв парчиња од Македонија од 70-те и 80-те, и сето тоа (најчесто) некако ненаменски и по рандом избор (освен за две-три теми што провејуваат). Ние извадивме неколку вести и репортажи од времето.

Како Турците ги предадоа анти-Г20 протестите

На протестите во Хамбург првите пукнатини во отпорот кон капитализмот и глобализацијата се појавија во редовите на турското малцинство во Германија, кое одлучи да им го сврти грбот на своите соседи и во историските моменти за Германија и светот и да свртат кон сосема други, себични, приоритети.

Две работи што треба да ги знаете за Индонезија

Прво, ги имаат најјаките маски за мобилни на светот. Второ, ги имаат најјаките реклами за сладолед на светот. Правиш една ваква реклама и се шеташ по Кан, вон конкуренција.

Како да изгледаш како да знаеш што правиш во животот

Се селиш од кај твоите и тргаш сам/а во живот. Блиски луѓе (што некако не се најблиски роднини што ти дремат по дома) ги договараш за вечера. Животот не ти е баш среден како што планираше, ама тоа не значи дека не можеш да фејкаш.

Веројатно најпогрешната екскурзија на сите времиња

Американско основно училиште со сериозен број афро-американци во него, ги носи учениците од помалите оделенија на екскурзија во плантажа за одгледување памук. Понатаму дечково ќе ви раскаже.

Трет палец

Се монтира од страната на малиот прст и изгледа исто како што звучи - вонземјански. Во видео презентацијата изгледа како една од оние работи што не сте имале поим дека ви треба, и како стварно да е нешто корисно.

Баба била злојасна

84 годишен дедо во шопинг мол храбро запира крадец (пушта нога и го сопнува). И веднаш потоа и подоцна во болница, најголем проблем на дедото е - бабата. Пазете колку малку ѝ треба за да му се развика (да погаѓаме: дека е себичен, дека не мисли на неа, дека што ќе прави она сама со реумата, дека една пензија не стигнува...)

憑啥我平

Насловот кој го гледате е она што во себе си го викаат луѓето кои ќе ги видите.

Шатори, лаги и Инстаграм

Фино е за фотка и за лајкови, ама стварно никој не спие во оние шаторине поставени на еден чекор од провалија до центарот на Земјата. И девојкава сака тоа да се знае.

3 минути хорор, страв и ужас

Ако до сега немавте страв од висина, ова е моментот кога стравот ќе ви се ембедира во ДНК. Тројца момци и напуштена зграда во Мароко (или барем сите се на работа). Они може имаат нерви да го снимаат ова, ние не баш и за да го догледаме.