Off Topic

Некои луѓе имаат време. И тонер.

Еден обожавател на филмската франшиза „Дина“ испечатил 240 постери со кадри од својот омилен филм и ги поставил по прецизен редослед покрај еден пат. Зошто? За кога некој ќе помине со возило покрај овој дел со одредена брзина, статичните слики покрај патот да му се спојат во течна анимација и „да му направат филм“. Океј.

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Политичар е за да те фарба

Во 2021 година, локални политичари во изборна кампања решаваат да им покажат на своите гласачи дека тие се луѓе од народот па наместо само ветувања, да демонстрираат дека се подготвени конкретно да им помагаат на луѓе. На пример, да освежат со боја фасада на една скромна куќа, па удираат ваљак, се разбира, пред камери и новинари. Да ја видите куќата пет години подоцна.

Не си свесен колку добро топло чоколадо можеш да направиш

Не се вади на „нема каде да се купи“, се можеш да најдеш или во оригинал или со мала и неосетлива адаптација. И што е најважно не изгледа комплицирано, а може да ти излезе спектакл од топло чоколадо, да се гордееш сам со себе.

Како изгледа да си опседнат со биткоин

И вие и човеков се замарате со темава, и вие и човеков цело време следите вредност на валутата и читате статии, разликата меѓу вас и него е што он има купено биткоин, ти немаш.

Најголемата компанија во историјата на човештвото во споредба со денешните тешкаши

Се вика Дач Ист Индија компани, постои од 1602 до 1799 година, и во овој период комплетно го има променето текот на историјата, на нејзино барање се водат војни, се поробуваат и уништуваат цели народи, и целосно се црпат ресурсите на цели нации.

Зад заедничките селфија на Инстаграм

1000-те зборови што не ги кажува заедничкото селфи ги имаш во видеово на парот со длабоко разбирање и инсајдерски информации за тоа што значи да си во врска.

Нема пари за кои ова би било пуштено на телевизија во 2017

Пази, нема ни голотија, ни одвратности, ни ништо такво, има само зборење, очигледно во комично/сатирични цели, на крајно очигледно комично/сатирично шоу. Главниот лик во скечот го игра Џим Кери, и ако се подјебава со некој во видеото тоа се е исклучиво обвинувањата за неговото шоу дека е дискриминаторско, ама оди па објасни денес тоа.

Лекција по лоповлук

Поглавје: Возачи на виљушкари и зошто да не си играш со нив. Тие со црвената кола сакаат да украдат алат, тие со виљушкарите не им даваат.

Картологија, или махерство во мешање карти

Она што се Глобтротери со баскет, Реми Гајар со фудбал, Кен Блок со коли, тоа се дечкиве со шпил карти. И сакаат да знаете дека ништо од ова не е фејк (магнети, конци, компјутерски ефекти).

70 брзозборки на 70 јазици

Во отсуство на нашите („Шиме ѝ го шибна на Шана“, „Издездорансиралисе“, „Професорот вика, вика не се вика вика, туку вика се вика вели“) за убедливо најдобра ја прогласуваме брзозборката на Босанецот. Пазете само колку тешка конструкција нему му се падна!

Aj дека на крај ќе се земеш со погрешен човек

Нормално дека ќе пробаш да не биде така, ама овој пат не е важно само што си пробал/а. Она што може да ти е утеха е дека и скоро сите други ќе пројдат исто како тебе. Она што уште од сега треба да престанеш се залажуваш е дека ти си исклучокот што е дел од тоа „скоро сите“.

Родителски паралели

Еден индиски стенд ап комичар (Ромеш Ранганатан) кој дошол до буквално истата поента на еден наш маалски родител за тоа зошто не треба многу да се секираш ако детето уште не знае да користи веце шоља. А има и други добри поенти.

100-те најдобри песни на 2017

Ако сакате да проверите до каде сте со годините и колку имате изгубено осет што денес се смета добра нова музика, фатете разгледајте ја листата на 100 најдобри песни на 2017 според Нојзи, а да се разбереме, Нојзи знаат што е добра музика.

Јутјубашка 2017-та

Ако ги тргнеш сите безвезни, небитни, насилни, идеолошки удавени, копирани и во основа сите видеа што не се од едно максимум 250 канали на платформата, Јутјуб е прилично пристоен сајт, со одлична содржина. Е, и Јутјуб сака така да се гледа (и претставува) себе си, па по тие линии е направена и ретроспективата на 2017, или Јутјуб и добрите момци и девојки.

Слатка верзија на „прасе во џамија“

Донеле куп колачи и бесплатно ги делат пред теретана. И плус јадат пред излогот, оние маченици внатре да гледаат и да си ја челичат волјата. Нормално, не проаѓа без реакции од надлежните чувари на здравиот живот.

Раскрсници и пропустливост

Ние ги мислевме дека ги има неколку, а тоа само човеков има направено симулации на 30 различни типови на раскрсници, кружни текови и какви уште не урбанистички помагала. Тоа што тој го брои е да види кој тип може да пушти најмногу возила (големи, мали, итни или регуларни).

Како да убиеш мозочни клетки со алкохол, без да пиеш алкохол

Убава е упорност и амбициозност кај млади луѓе и сè тоа, ама има нешто и во размислување.

Како љубезно да критикуваш

Артур Мартин своевремено препорачува „во несогласувањето околу моралните и научните прашања, гледај целта да ти биде да дојдеш до вистината, а не да го поразиш противникот. Така, никогаш нема да загубиш расправа, само ќе стекнеш ново откритие.“ Има и еден друг пристап.

Дисекција на Светот Јура, и гнилите нови холивудски херои

Нешто што крајно успешно ни се протнува сите овие години е како Холивуд почна да прави главни јунаци од најлошите примероци на луѓе во филмовите. За споредба ја имаме приказната и моралот на Рипли во Вонземјанин и Клер во Светот Јура.

Слобода на релативизирање на рокот на траење

Прво и поважно, тоа што нешто е во рок на траење не значи дека нема шанси да се расипе. Второ, ако храната правилно се чува рокот на траење е крајно лабав. Трето, за верување е само изгледот, бојата и миризбата на храната.

Уште тоа ни фали

Возило кое не само што ќе те одведе од точка А до точка Б туку и ќе ти помогне да стигнеш од први до први, ако ти е таква работата. Фала што ви текна, ама не, фала.

Како се движат руските брези

Еден специфичен руски танц од Сибир кој се вика Березка (бреза). Сите ние за да се движиме ги мрдаме нозете, ама кај момиве тоа не се гледа и впечатокот е како да се наоѓаат на подвижни платформи управувани на далечинско. Чудесии. 

Пиони на војната

Сведоштво на човек кој учествувал во одбраната на Сребреница за предлогот кој го добил од својот лидер: Вие малку да изгинете, па на сите да ни биде подобро.

Дебелиот крај - Цена

Македонски песни кубурат главно со текстовите. Или се пребљак ради тоа љубовните јади или пак ќе забегаат во некоја напувана езотерија. Дечкиве смозгале како да ги избегнат тие поетски стапици. Треба да ти текне. 

После долго време, нешто ново од Макартни

Во едно интервју Пол Макартни се исчудува како музиката почнува да се прави на компјутер. Ќе ставиш еден звук и после си играш со копчиња. Интервјуто го гледа некој зналац, седнува на компјутер и го добивате ова.  

Ритамот на говорот

Кога размислуваш како чекан, во сè гледаш шајки. Истото важи и за тапанарите.