Off Topic

Некои луѓе имаат време. И тонер.

Еден обожавател на филмската франшиза „Дина“ испечатил 240 постери со кадри од својот омилен филм и ги поставил по прецизен редослед покрај еден пат. Зошто? За кога некој ќе помине со возило покрај овој дел со одредена брзина, статичните слики покрај патот да му се спојат во течна анимација и „да му направат филм“. Океј.

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Политичар е за да те фарба

Во 2021 година, локални политичари во изборна кампања решаваат да им покажат на своите гласачи дека тие се луѓе од народот па наместо само ветувања, да демонстрираат дека се подготвени конкретно да им помагаат на луѓе. На пример, да освежат со боја фасада на една скромна куќа, па удираат ваљак, се разбира, пред камери и новинари. Да ја видите куќата пет години подоцна.

Босанска верзија на Бела Чао

Саз, хармоника, виолина, сето тоа склопено од врвниот босански зналац Дамир Имамовиќ и ете ја старата италијанска партизанска песна, со севдах во неа.

Кога петок ќе заврши

За нив ова е реклама за некаков нов вид за плаќање без пари и без маки, за нас ова е како сакаме да ни завршува петок.

Кинезите утепаа со брзите пруги

Пред една деценија, Кина имала една брза пруга долга 30 килметри. Десет години подоцна има повеќе од САД, Јапонија, Франција, Велика Британија и остатокот од светот - заедно! И тоа не е најфасцинантниот податок во прилогот кој следува. Чудесии! Додека наш човек се реши меѓу Европа и Русија, Боргиве ќе го освојат светот.

5 нијанси објаснување

Ајнштајн викаше дека ако не можеш некому едноставно да му објасниш некоја работа, тогаш и ти не ја разбираш баш најдобро. Ова е интересен концепт: како една иста идеја да се објасни на пет нивоа на комплицираност. Од петгодишно дете па нагоре.

Ние и Улан Батор, збратимени во градите

Улан Батор дели ист проблем со неколку македонски градови. Не бре, Мирко Субвенција не пушта и кај нив музика. За воздухот се работи. Нас нè дотепа фактот што откако го изгледавме ова драматично видео (дечиња по болници, градите им свират како дупнати хармоники), ѓаволот нè натера да провериме како тоа стоиме споредбено со Улан Батор. Тетовчани, запејте: „Во гради имаме ПМ за три светови“.

Тест: Колку сте популист?

Тестот е на Гардијан, има 20 прашања и се прави за неколку минути. Се разбира дека и ние се тестиравме.

Меѓугенерациски дијалог

Разговараат дедо и неговата млада внука. Таа зборува по ново, тој зборува по старо. Кај него тоа оди пократко.

Добро е да се има магионичар во друштво

Поточно, добро е да се имаат двајца магионичари во друштво. Тој вториот за мезе.

Кој ја зезна музиката

Френк Запа тврдеше дека за музиката подобри беа старите дебели директори на музички куќи кои држеа пура во уста и ништо не разбираа отколку оние кои подоцна дојдоа на нивно место, млади и паметни хипстерски директори кои знаат сè.

Диктаторско катче

„Туркменстанскиот претседател дига златен стап а објективната публика (членови на неговиот кабинет) знаат тоа да го поздрават со искрен и срдечен аплауз“. Секое дополнително инфо само ќе ја уништи магијата на вој видео клип.

Единствената причина зошто постои интернетот

Не беше интернетот замислен за бизнис и правење блесави милијарди долари, или поврзување на човештвото и унапредување на квалитетот на животот. Интернетот е само за вакви клипови.

Не постои нешто што може да е гума за сите сезони

Лето и вака и така ќе се пројде, дури и без да стапнеш во кола, проблемот е кога ќе дојде есен / зима а ти уште си опремен со заблудата наречена гуми за сите сезони. За да ви е појасно што збориме, споредба на два идентични автомобила, еден со зимски еден со гуми за сите сезони, и нивното однесување на хокеарско игралиште. Гледај и слушај.

Админот на твитерот на Канје

Ова не е вистина, само за жал на некој недолжен дечко или девојка ова не е ни многу далеку од вистина. А вреди и заради бисери од типот „јас прво се бришам па одам по нужда“.

Што прават моќните луѓе на Путин

71 годишниот Јуриј Петров и 35 годишниот Олег Буков се дел од парламентарната ергела на Владимир Путин, кремот на руската политичка елита која треба да се справи со предизвиците на овој немирен свет. Еве ги двајцата таму кај што се најпотребни, на седница на Думата. Со тоа што од стариот (и ненаигран) Јуриј ќе го видите само прстот.

Најдобрата мапа е онаа која се користи

Поедноставени и стилизирани мапи за подземните метро системи се прифатени во многу светски градови. Но, кога Њујорк решава да го следи тој пример, наидува на отпор од своите луѓе. Њујорчани инсистираат да ја користат „најлошата“, наместо онаа која се сметала за „перфектно“ дизајнирана.

0.062 милји под морето

Тоа на нашки е точно 101 метар. Дечкото зема (голтна) воздух неколку пати и со пераји тргна удолу, на длабочина на која поради притисокот, човечките бели дробови се собираат колку пепељара.

Стариот пак се здрвил

Жан Клод Јункер. Еден од моќните лидери кои ја предводат моќната Европа. Држи прес конференција за потребата да се има моќна европска армија. Само што облекол различни кондури, една црна, другата кафеава.

Татко е повеќе од зборови, татко е дела

Инаетот на 2-годишна ќерка стои на патот на попладневното одлогирање на таткото од дневните задолженија. И на двајцата им е јасно дека ова нема да се реши со зборови, само што ќерката не е свесна за границите на сопствениот инает.

Стигна софтвер за спикери

Метју Амроливала е спикер на Би Би Си. Од јазици зборува само англиски. Ама додајте му малку софтвер и ете го Метју как течно зборува шпански, мандариснки или хинду.

Никогаш не се откажувајте

Ѕирнете едно освежувачко мотивационо видео со поента да одите до крај, дури и кога мислите дека трката е изгубена. Ова „да одите до крај“ важи и за гледањето на видеото.

Кој штеди, има. Ама...

Додека неговите другарчиња си тераат безгрижно детство со сладоледи, грицки и играчки, малиот решава сите парички да ги заштедува во својата касичка за еден ден да го оствари својот сон. Бруталниот крај на приказната станува разбирлив кога ќе видите за што е рекламата.

Кога синовите ќе пораснат

Ќе пораснат доволно да посакаат да си ги одмерат силите во бокс, ама недоволно да сфатат дека бокс не е за во дневна. Другото кај нив е све ок, да не речеме џам.

Трибјутот на Марвел за Стен Ли

Неколку директори од Марвел со по неколку реченици за човекот што успеа да создаде американска митологија, и неколку реченици од самиот Стен Ли.

Стен Ли шеба двајца колеги

Двајца цртачи на стрипови, баеги помлади, добиваат задача од Стен Ли во живо да создадат и нацртаат супер-херој за 20-на минути, и по пат да го објаснат својот процес. Во реалност добиваат серија мрчење од мајсторот.