Ако некогаш имало излишна кампања тогаш тоа веројатно е „Германија работи“,  совршено скоцкана кампања која како да има потреба те уверува дека Германија работи, функционира, истражува нови полиња, народот има долг животен век и што уште не. Генерално ти го кажува сето она што ти го мислиш за Германија.

Најдобар начин за да ја видите разликата меѓу кучињата и мачките и да дознаете што тие чувствуваат за вас, е да им ги прочитате дневниците.
 

Бродскиот превоз и понатаму останува најевтината форма на транспорт во светот, заради што на нејзе отпаѓа и најголемиот дел од транспортот на големи далечини. Она што изминативе деценија и кусур никако не останува евтино е горивото, што е и една од причините за неодоливоста на обновливата енергија (покрај тоа што за нејзе не мора да плаќаат).

Постојат модерни производи чиј историски багаж толку им тежи што на луѓе не може од глава да им излезе. Некои тоа го сфаќаат па решаваат да ги извадат работите на виделина. Генијално.

Да се разбереме ова се само фино склопени извадоци од фудбалски натпревари, ни фудбал, ни живот не е вака интересен цело време.

Од сите работи за кои не и верувате на науката можете да почнете да го тестирате „митот“ дека хлороформ може да те онесвести. Дечково го има целото упатство, брзо е, кратко и јасно.

Никој не избира од мерак да живее во стан од 20 квадрати, ама луѓево тврдат дека можат целото искуство да го претворат во мерак, колку-толку.

Џастин Вилман во серијалот “Magic For Humans“ (го имате на Нетфликс), демонстрира една техника која одамна е позната од детските сказни а во ново време постојано се вежба преку партиски собири. Наравоучение: кога во публика се твои луѓе, секого можеш да убедиш дека си најјак.

Вуду Попај на времето знаеше да освежи со некоја неочекувана рима и стиховен пресврт потег ама Војко В. е 5 пути од тоа. Војко побарал 150 грама мортадела, тетката исекла ама испаднало 160, го прашала дали може, а Војко ѝ рекол: НЕ МОЖЕ! Од Рејџ до сега немаме слушнато така јасен отпор на системот. Струшки вечери на поезијата, се разбираме ли за следната година?  

Автопатот не е позлатен ама е долг 1.000 километри, и не сите илјада се по земја, некои се на 300 метри под вода, други се столбови сред норвешко море, трети се на мост што плута, а ги има и низ планини. Целта е сегашните 21 час потребни да се стигне од еден до друг крај на Е39 автопатот, да се намалат на половина.

Многу скоро, ништо што ќе погледнеме на видео нема да биде реално. Едвај чекаме да видиме како ќе изгледаат видеата на Мелита. 

Ако некогаш си се сомневал во моќта на рекламата, само следи како џингл на Кока-кола успева да му го привлече вниманието на 5-годишно дете стандардно незаинтересирано за што било околу себе. Не дека Пепси е нешто послаб.

Човекот кој е скоро па заштитен знак на јогата, оди на час во едно од овие „јога-студија“ кои се заштитен знак на речиси сè пак што е неподносливо околу јогата.

Ако е ефтино и е Пинарело (Бјанки, Сервело, Ес-воркс... што и да е), тогаш или некој лаже или некој краде. Никако не е дека сте имале среќа и сте нашле некој/а што го купил/а и не се разбира што има .

Јасна и јебитачна порака од Австралијанците до нивните политички претставници во парламентот. Појасно од ова, здравје.

Истото што го прават со секоја можна индустрија, кинескиов фотограф им го прави на сите свои колеги низ светот. Сите оние моќни ефекти пред кои сме беспомошни како публика, овој пат добиени по принцип „направи сам“, без компјутерски магии и илајдници долари вредни роботски раце.

Конкретен производ и потребното купче пари за истиот да го набавиш во продавница во Венецуела. До крајот на годината се очекува дека инфлацијата во земјата ќе достигне 1 милион проценти, па од предострожност властите се одлучија наскоро да извадат нова валута на која ќе скратат 5 нули.

Повторувај:
- Животот никогаш не е океј.
- Никогаш не е комплетно океј.
- Понекогаш само е помалку „не океј“.

Честито, стана Данец. Ок, не баш, ама добар почеток.

Фото-портрети на луѓето од Стоунси, бендот во кој денеска заедно имаат близу 300 години. Како се менуваа тие неповторливи ликови, од 1962 година до денес. Да не може човек да се реши кога била најружни.  

Следново се случува во Монтреал, овие се Ле Мутонс (mouton = овца) и се крајно упорни во тоа, и во која и да е пораката што ја имаат.

Во говорот Џејмс Микенс објаснува: „Некои луѓе влегуваат во технолошката индустрија за да создаваат понови, повозбудливи видови технологија и тоа колку е можно побрзо. Мојот говор е против овие луѓе и ќе сруши некои важни професионални мостови, што најверојатно ќе ме натера да се приклучам на манастир или друга организација фокусирана на покајување.“

Искуството во проценување на ситуацијата се сведува на тоа да не се прецениш себе, ниту да го потцениш другиот, па макар тоа било и петел. Во спротивно имаш ова.

Прв чекор е да го признаеш проблемот сам пред себе дека џабе цело време отвараш табови кога и онака никогаш нема да ги прочиташ. Второ што треба да си свесен е дека никој нема да ти ги реши табовите што ти дремат отворени, ама затоа има кој да ти помогне да ги спастриш сите тие табови по проекти или папки (а да не биде дека ги викаш букмаркс).

Видеото доаѓа од кинеската полиција и не ни дава причина да се посомневаме дека ќе функционира во најголем дел од случаите на вооружен напад.