Овие двајца што ги имаме тука се заљубени во викторијанска ера. Така се облекуваат, така готват, такви точаци возат и таква музика слушаат.
Ама не за играње во слободно време.
Дваесет и четири часа на ден.
Тоа што имаат струја го правдаат со „па баш тогаш таман излезе и струја”, ама грижата на совест не им дава да користат модерни светла, туку купуваат такви килави. Готват на шпорет на дрва, кој „може да се контролира како сакаш”. И индукциска рингла исто ти прави што сакаш, ама да не се мешаме. Сè што имаат дома е реплика на нешто од нивниот омилен период, така викторијански облечени се шетаат по маало и ведро им мафтаат на комшиите на електрични скутери, а причината за сето ова е што - така им се живее - што и не е така лоша причина.
На коњ се - сè можеш да ископираш од тоа време, вклучувајќи го и ентузијазмот за технологија и живот - ама болестите, недоразвиената канализација и смртноста на новороденчиња си остануваат назад.
