Off Café › Набрзинка

Рокенрол „групис“ раскажуваат како се живеело

19 мај 2022

Лесно е groupie девојките да се наречат клише - поп-културата ги слика како разулавени и по секс побудалени девојчури без многу да се секира за вистинските искуства што ги доживеале тие жени. ‘60-те, ‘70-те и ‘80-те дури имаат и популарни рок-групис како Крис О‘Дел и Памела де Бар, кои сега, децении откако се завршени журките раскажуваат како живееле.
Се сметале себеси за музи на рок-ѕвездите. Некои биле секс-партнерки, некои се грижеле за здравјето на музичарот, некои диплеле и переле. Памела де Бар за Гардијан има кажано:

„Јас му бев на Кит девојка за во Лос Анџелес. Секогаш кога доаѓаше само мене ми се јавуваше. Толку нежна душа беше… Јас му бев стабилизатор. Кога ќе се разбудеше врескајќи, можев да го смирам. Ми беше должност како муза да се грижам за неговиот брилијантен гениј што има инспирирано толку многу луѓе.“

Границата меѓу „групи“ и вработена била нејасна - иако некои ја сметаат за епитом на категоријата, Крис О‘Дел не сака да се нарекува така, туку се смета себеси за интегрален дел од музичкиот бизнис. Во 1968, прес-агентот на Битлс, Дерек Тејлор ја има викнато да се пресели во Лондон и да работи во Епл.
Врските со рокерите ги сметаат за консензуални. Кога #MeToo и #TimesUp беа трендинг, де Бар има кажано дека смета дека има голема разлика меѓу дисбалансот на моќ во Холивуд и атмосферата на музичката сцена во која таа учествувала.
Повеќе пати се има случено групи-девојка да спаси рок-ѕвезда. А не дека било лесно.
Некои девојки на крај стануваат и успешни музичари.

извор

Основачот на Манго загина во планинарска несреќа

15 декември 2024

Исак Андик, основачот на модниот синџир Манго, се лизнал и паднал од карпа висока 150 метри и загинал на 71-годишна возраст.
На местото на несреќата бил присутен син му, а полицијата била повикана околу 1 часот попладне.
Андик е роден во Истанбул и со семејството се доселил во Каталонија во ‘60-те. Почнал со продавање маици на соучениците во Барселона, па продавал облека на уличен пазар, за на крај да сфати дека со бутик ќе заработи повеќе пари и да ја отвори првата Манго продавница во 1984. Лани, Манго имаше заработка од 3,1 милијарди евра.

извор

Мизогинијата е зачеток на сите општествени проблеми

28 ноември 2024

Еден од најзначајните увиди кои се направени во мировните студии е следниов: убедливо најдобриот предвидувачки фактор на мирот во една земја не е нивото на богатство, квалитетот на демократијата ниту етно-религискиот идентитет, туку тоа како жените во неa се третирани.
Кога на жената, според (сексистичките) традиционални родови улоги и` е доделена покорна положба, перципирана е како помалку вредна и помалку способна од мажот и е доживувана единствено релационо и во функција на неговите потреби, таа станува легитимен таргет во очите на насилникот. Понатаму, истрајната нееднаквост во животните можности и сексистичкиот притисок од околината на крајот ја поставило жената во економска и социјална зависност од мажот поради што има многу ограничени потези за делување (што е една од главните причини поради кои жените остануваат во насилни релации).
Во последниве години некои перцептивни истражувачи и новинари забележале една индикативна заедничка особина во индивидуалните криминални истории на мажи кои сториле дела на насилен екстремизам во западните земји (без разлика дали биле десно или лево ориентирани)– речиси сите имале документирана историја на вршење домашно насилство.

извор