Во 2010, група научници одлучиле дека нема доволно емпириски докази дека мажите се палат на широки колкови, па собрале 14 млади мажи, ги залепиле со жици и им покажувале слики од женски задници. Тешка работа имала таа контролна група, но храбро истерале и на научниците им овозможиле шокантни резултати: Мажите сакаат големи задници!
И тоа толку многу, што излегло дека колку е поголем соодносот струк-колкови, толку машкиот мозок се однесува како издрогиран или пијан. Кога гледаат слики од заоблени задници, вели науката, инстантно се активира природниот систем на мозокот за награди. И ова е можно објаснување за зависноста од порнографија и за успехот на Џенифер Лопез и Кардашијан.
Малку попроблематично е што во студијата се спомнува дека женските задници биле фотографии од седум жени пред и после операција за зголемување на задник, каде што им се вадело масно ткиво од други делови од телото и се ставало во задникот. И било едногласно - мажите повеќе ги сакале постоперативните фотки.
Еден од истражувачите вели дека ова може да е и објаснување зошто мажите страдаат од еректилна дисфункција во недостаток на порно и при неверство. А жените сега имаат докази дека манекенскиот идеал не се важи и не мора да гладуваат за да изгледаат како за на писта.
Ете, ако некој не знаеше, сега е појасно.
