Нееднаквата поделба на обврските за празници не е ништо ново. Помислете на оркестрирањето подароци за наставничките, за бабите и дедовците, на целата таа организација. Зошто без разлика што е 2023, мајките мораат сами да бидат Дедо Мраз?
Ерин Паш, која работи како семеен и брачен терапевт, за PureWow вели дека тоа што празничните обврски и понатаму паѓаат на жената има корен во традиционалните родови норми според кои мајките се одговорни за децата и домаќинството. И ако сме фер, поврзано е со вродената способност на жените да ги завршуваат работите до крај.
Со други зборови, типично е за жените да планираат и да се секираат. Ова придонесува да преземат екстра товар и да се бават со секаква логистика, особено во случаи кога нивниот партнер не е скроен така. Паш вели дека најдобриот начин да се справиме со ова е да го смениме процесот на размислување и однесување и да разгледаме кои ни се јаките страни кога се работи за тоа како родителите можат да соработуваат за да разделат и да владеат за време на празниците.
Секако, еден треба да е главен, само што тоа не значи дека треба сè да работи. Накратко: Има потенцијал за промени сè додека двајцата имаат волја да напуштат статус кво.
Како би изгледало ова? Можеби е неделен „состанок“. Можеби мајката ќе го направи планот, но ќе ја делегира работата. Можеби е разговор каде што се пеглаат најголемите приоритети и нештата за кои не се преговара. А кога сме кај приоритетите, еден од најдобрите начини да се сведе емотивниот труд на мајката на минимум е да се праша што нејзе ѝ значат празниците. Или, како што вели терапевтката:
„Правете го тоа што ви е уживање, остатокот откачете го.“
Сепак, важно е и да им се каже на тие околу вас дека е време да преземат поактивна улога.
