Терминот trauma bonding се однесува на длабока емотивна приврзаност што човек може да ја чувствува кон некој што го злоупотребува, и полесно се развива кај личности што имаат историја со злоупотреба, експлоатација, или емотивна зависност во нивните претходни односи.
Без разлика дали врската е романтична, платонска или семејна, врзувањето заради траума лесно се прикрива зад чувства на љубов и посветеност кон другиот.
Еден од непријатните примери се емотивно непредвидливите луѓе. Вечното прашање е „зошто не си одат, ако врската е нездрава“, ама овој проблем тешко се забележува. Емотивно непредвидлив партнер те критикува, те вреѓа, за веднаш потоа да те опсипува со внимание, подароци, извинувања и ветувања дека „нема веќе така“.
Следниот пример е толку секојдневна појава, што луѓето не се ни свесни - истурање на сопствените проблеми врз другиот. Помислете на луѓето што ви се блиски и запрашајте се како се справиле последниот пат кога наишле на проблем или пречка?
Ако вие сте го изеле стапот еднаш, ај ќе разговараме. Ако нонстоп го јадете - проблем.
