Наспроти навидум страшната изјава „од биологијата не се бега”, стои фактот дека кога жените ќе решат да си помагаат меѓу себе, макар и само со вербална поддршка - ништо не може да ги запре.
Тоа значи гушкање и разговарање до 101 и назад, значи пеење на поп песни со изменет текст да одговара со менопауза и значи споделување искуства за сите жештини и промени во расположение, со една цел - секоја што е вклучена во „Кафе Менопауза” да знае дека не е сама и не е само таа.
Од нивниот сајт:
Во Menopause Café, луѓето, кои често не се познаваат, се собираат да јадат торта, да пијат чај и да дискутираат за менопауза.
Целта ни е:
Да ја подобриме свеста за влијанието на менопаузата на оние кои ја искусуваат, нивните пријатели, колеги и семејства, за да можеме да правиме свесни избори за оваа трета фаза на животот.
Се работи за групна дискусија за менопауза без претходен план, цели или теми. Не е сесија за советување, туку група за дискусија. Обично се делиме во помали групи и добредојдени сте само да слушате, иако се надеваме дека ќе се вклучите во дискусијата.
Нашите „Кафе Менопауза” собирања се нудат:
На непрофитна основа
Во пристапен, пристоен простор
Без намера да се наведуваат луѓето на заклучоци, производи или нкакви активности
Заедно со освежителни пијалоци и торта!
За кого е?
За секој што е заинтересиран да сподели приказна, искуство и прашања за менопаузата. Сите полови и сите возрасти. Мажи, жени и се измеѓу. Стари, млади и се измеѓу.
Прашањето што се поставува е: дали сме кадарни и дали кај нас би успеала ваква работа?