Иако со тек на време многу се приврзала за улогата и инсистирала да учествува во филмот, Бергман прво се мислела за улогата на Пола. Се сметала за многу силна и независна жена и се грижела дека нема да може убедливо да ја одигра повлечената и нежна Пола, за на крај сепак да се гордее со изведбата и да го смета ангажманот за еден од најголемите предизвици во кариерата.
Режисерот Џорџ Сукор предложил Бергман да ги проучува пациентите во ментална болница за да научи за нервни сломови. Така и направила и се фокусирала на една жена чии навики и физички чудности станале дел од ликот.
Сукор практикувал метод на раскажување за да ја стави Бергман во потребниот мајндсет како што траело снимањето. Секој ден, одново ѝ го раскажувал целиот филм до моментот на сцените што требале да ги снимаат тој ден. Сукор сметал дека овој метод е корисен и потребен, бидејќи филмот не се снимал по ред, а ликот на Бергман требалло да се менува со тек на време. Бергман брзо почнала да се нервира поради техниката и на Сукор му рекла дека не е „глупа Швеѓанка“ и веќе ѝ го кажал тоа. Сукор престанал да раскажува неколку дена додека еден продуцент не го известил дека глумците играат како под вода. Почнал пак, а Бергман наскоро почнала да ја цени оваа пракса.
Сцената каде што Анџела Лансбури пали цигара и покрај негодувањето на Бергман морала да се одложи за крајот на снимањето бидејќи била малолетна и социјален работник морал да ја надгледува. Не ѝ дозволувал да пуши, па морале да одложат до нејзиниот 18-ти роденден. Кога влегла на сетот на роденденот, Бергман и екипата ѝ имале организирано забава и сцената со цигарата се снимала веднаш по славењето.
Кога Бергман добила Оскар за најдобра женска улога за Gaslight, на публиката ѝ рекла:
„Драго ми е што победив, затоа што утре почнувам да го снимам продолжението на Going My Way со Бинг Крозби и Лео Меккери и ми беше страв дека ако немам Оскар, нема да ми прозборат.“
Во Gaslight се работи за навидум нежен сопруг кој со лаги и манипулации се обидува да ја изолира неговата богата жена, за да може легално да ја остави во институција и да ѝ ги троши парите. На проблемите што ѝ ги приредува, секогаш им претходи проблем со ламбите на гас.
Од таму и зборот gaslighting, кој во 2022 Меријам-Вебстер го избраа за збор на годината.
