Излегувањето со потенцијални романтични партнери може да биде и забавно и напорно. Особено кога ќе ти текне колку „жаби треба да се бакнат“ за да се дојде до каков-таков „принц“.
Една девојка конкретно успеала да договори дејт што на многу жени им е дејт од соништата - ете, со милионер.
Тука одма има и лекција за истите тие жени и лекцијата се вика „па што ако е милионер“.
Затоа што, типот најсамоуверено си пратил списоче со барања за потенцијалната девојка, од кои поприфатливите се „да има пасош и да биде спремна на спонтани патувања“, а од поидиотските се „ако состанокот помине како што треба, ќе добие покана за втор во рок од три до пет работни денови.“
Од другите:
- Да потпише договор за дискреција
- Да биде емотивно достапна, но не преемотивна
- Да не зборува за хороскоп
- Да пристигне седум минути порано затоа што „пет е сомнително, десет е непочитување“
- Да има своја кола, затоа што тој имал шофер и немало да ја собира
- Да нарачува самоуверено
- Да не го става на социјални мрежи затоа што братучетка на бившата жена го следела
На девојката не ѝ се оди на состанок, што е разбирливо, ама па од друга страна гласно се прашува дали да оди, затоа што „личел фин“.
Еве, вие кажете.
