Во Мадрид сега има изложба, „Баленсијага и шпанско сликарство”, во Museo Nacional Thyssen-Bornemisza и трае до 22-ри септември, ако на некој му се оди. Се прикажува богатството на шпанското уметничко и модно наследство интерпретирано од страна на најеминентниот современ шпански дизајнер. Елој Мартинез де ла Пера, кураторот на изложбата спарил 90 Баленсијага парчиња заедно со селекција слики од шпански мајстори од 16-ти до 20-ти век. Врските меѓу нив се базирани на „концептуални елементи, архитектонски форми и големини и хроматско следење,” според официјалниот прес.
Паровите навистина задоволуваат на едно формално ниво, според Џулија Волкоф од Артси. Во дваесеттиот век можеби осамна современата мода, но предизвикувачките современи скулптурални силуети на вечерните тоалети на Баленсијага одговараат со стиловите кои ги носат насликаните дами и религиозните личности пред стотици години.
Делата на Баленсијага на модерната публика и нудат нешто повеќе од модна инспирација. Изложбата одново ја проверува историјата на уметност од една многу пофлуидна појдовна точка, во која сликарите имале влијание врз модата исто колку и модата врз нив. Сега во нашево време, модата и уметноста се испреплетени повеќе од било кога, и во продажба и во начинот на кои јавноста гледа на нив. Баленсијага сфатил многу рано дека сликарството, претставувањето и модата имаат нераскинлива врска - една сеопфатна комбинација која истовремено зборува со минатото, сегашноста и иднината.
Сега јасно ви е зошто иритира новото Баленсијага?
