Друго е кога си машко

Темата е координатори за интима при снимање и театар. Иан Мекелен не ја разбира потребата од нив. Ема Томпсон да.

Минатата недела, Томпсон ја прашаа што мисли за коментарот на Иан Мекелен, дека „координатори за интима би влијаеле на чистотата на театарските изведби во живо“.

„Можам да замислам дека има ситуации каде што треба да внимаваш и може да ти е тешко да бидеш интимен, и затоа таму треба координатор,“ изјави тој. „Но, нели може режисерот да го прави тоа? Мора ли да биде некој специјално обучен?“

На, ова, Томпсон имаше логичен одговор:

„Така е лесно, ако си машко, друго е. Мислам дека ако си млада жена на сет, што главно го одржуваат мажи, екипата е 90% машка и жените нема да бидат со тебе, затоа што, општо земено, не сме еднакво застапени на ниедно ниво на снимање, сè се мажи. И тоа е многу непријатна позиција за девојка што почнува во индустријата, но е апсолутно од суштинска важност да има некој да ги заштити. Апсолутно суштинско.

Не можете да замислите низ што поминале некои луѓе во оние големи серии што почнаа да се снимаат кога почна и стримингот. Едноставно доаѓаат на снимање и тогаш им кажуваат, вака ќе правиш... И тоа е апсолутно нечуено.

Не дека некој ќе биде нонстоп до тебе да ти ги мести цицките. Туку да биде таму во случај да се почувствуваш непријатно во врска со некоја положба, на пример, газот ти се мавта во воздух, а тебе не ти е удобно... Сум работела со млади актерки што биле многу трауматизирани од нивните искуства на снимање. Од таму и мојата упорност за координатори за интима и заштита на младите жени особено, а и за мажите, не е лесно за никого.“

Координаторите за интима се релативно нова улога во актерската професија, а се користат за сигурност дека на изведувачите ќе им биде што е можно попријатно при снимање на интимни сцени. Ги имало на снимање на Бриџертон, Сексуално образование и Може ќе те уништам и многу ги фалат.

22 февруари 2023 - 16:43

Штета ако сте пропуштиле

Далеку е Болоња

Фиксен а мобилен

Каде се интелектуалците?

За авторските работи