Во денешниов свет на непрекинат пристап до интернет, бескрајни скролања и претерана изложеност, лесно е да ти се чини дека се повторуваат работите. Модните ревии веќе не им припаѓаат само на присутните во просторијата, туку на светот - до степен колекциите и сезоните да се мешаат меѓу себе и да не можеш веќе лесно да распознаеш која чија е. А сепак, ако трепнеа присутните на ревијата за есен 2023 која се одржа пред три дена во Њујоршката јавна библиотека и траеше цели три минути, може и ќе пропуштеа нешто.
А тоа била и поентата - Марк Џејкобс праќал манекенки по писта една по друга во претстава составена од две финалиња што присутните ги остави во прашалници „толку?!“
И толку било, затоа што колекцијата и шоуто се осмислени со носталгија на ум, за времето пред интернетот (сакоа со потпунки и металик мини), но истовремено прикажани низ хипер-модерни леќи - ВИ, која според нив ги зема уметноста, филмот, културата и што сакаш друго и ги трансмутира во нешто сосема поинакво, нешто репетитивно, монотоно и само уште една додавка на константниот тек на работите.
Сите детали од колекцијата ја прават ревијата чудна, дури и непријатна, како да има глич во системот - исто така намерно. Џејкобс знае дека ова ќе предизвика дискусија и тоа за брзината со која конзумираме информации секој ден и како тоа влијае на нашата перцепција на светот. И на крај, целата колекција ја собира во едно ТикТок видео, што ај-ди.вајс го коментира како - генијално.
Еве ја, минута и 45 секунди: