Анџелина Џоли минатата недела ја имаше по медиуми кога се објави дека биографскиот филм во кој ја игра Марија Калас ќе се прикажува на Канскиот филмски фестивал. И ова не е најбитна новост за неа, затоа што во нејзината биографија, после актер, режисер и амбасадор на ОН, го додава и Ателје Жоли, нов бренд кој ќе работи со рециклирани материјали и ќе ги користи способностите на бегалци и други талентирани недоволно ценети групи на луѓе, кои би дошле на позиции на достоинство врз основа на вештини.
Џоли ова го објави на Инстаграм и напиша:
„Денес почнувам нешто ново - колектив каде што сите ќе можат да создаваат... Ателје Жоли е место за сите креативни луѓе да соработуваат со вешта и разнолика фамилија на професионални кројачи, изработувачи на дезени и занаетчии од целиот свет. Ова потекнува од мојата длабока почит за многуте кројачи и создавачи со кои сум работела претходниве години и желба да го ставам во употреба висококвалитетниот винтиџ материјал што е веќе достапен и да бидам дел од движење што култивира себеизразување.“