- Во време кога секој потег на Кина се премерува за да се види на која страна ќе натежне во конфликтот во Украина, Зеленски на волеј пред цела азиска јавност повика меѓународната заедница веднаш да му даде поддршка на Тајван за да може да се спротивстави на кинеска агресија.
- Пораката на Зеленски беше азиските држави да не ја повторат грешката на Европа и да чекаат Кина да нападне, туку одма да почнат со помагање на островот.
- За време на целата војна во Украина, Кина постојано повторува и го опоменува Западот да не помислил никако да се вмешува во тајванското прашање, кое според нив е внатрешен проблем на Кина.
- Откако во воздух им го дигнаа Северен тек (а војната во Иран дополнително ја скина катарската алтернатива за течен природен гас), ЕУ остана обврзана со минатогодишниот договор со САД од нив да го набабува овој енергенс.
- Договорот е огромен - 750 милијарди долари до 2028 година; Фон Дер го опишуваше како неопходен а Трамп како галантен бидејќи понудил повластена цена.
- По процедура, договорот дојде пред европските законодавци.
- Непосредно пред гласањето, американскиот амбасадор во ЕУ ја уцени Европа дека ако проба да смени запирка во договорот, ќе ја изгуби понудената цена.
- Европскиот парламент го изгласа договорот.
- Години наназад, според упатствата на Американската асоцијација за срце, на возрасни лица над 65 години со притисок повисок од 130 со 80, задолжително им била давана соодветна терапија.
- Веќе не. Според новите упатства, терапијата не се препишува по автоматизам туку треба да се земат во обзир и други фактори за кардиоваскуларен ризик.
- Промената се објаснува со потребата од поперсонализиран пристап кон болеста, наместо третирање со едно генерално правило.
- Со анализа на постоечките пациенти се утврдило дека на околу десет проценти од нив, според новите критериуми, не им требаат апчиња за намалување на притисокот.
