Вести › Набрзинка

ВМРО и Левица пак ја спукаа

21 ноември 2023

ВМРО-ДПМНЕ: Добро е што Македонија нема атомска бомба инаку нестабилните личности од Левица би ја употребиле и фрлиле врз Собранието, реагира ВМРО-ДПМНЕ утрово по вчерашната собраниска седница каде двајцата пратеници на Левица предивикаа инцидент со кршење на монитори и друга собраниска опрема и фрлаќи ги амандманите кои беа одбиени. Пратеничката Дафина Стојаноска утрово ијзави дека Димитар Апасиев не ја кажал вчера главната работа, а тоа е, како што рече, дека преговарал со претседателот на парламентот Талат Џафери.
Левица: „Пред свршен чин, кога станува јасно дека сите политички партии на олигархијата ДПМНЕ-СДС-ДУИ дејствуваат координирано и останатите партии во Собранието учествуваат во орото кое тие им го свират, кога стана јасно дека во институциите преку Левица е претставена народната воља која се попречува на владеењето на овие бизнис-партии – со вчерашното носење на новиот Деловник во Собранието се формализираше диктатурата на широката коалиција.
СДСМ: Виде народот со Левица и ДПМНЕ каков хаос следи, тие се лонче и капаче.
Во меѓувреме, додека македонската репрезентација играше со Англија, дел од министрите на владата на вашата земја се најдоа во Тирана да ѝ дадат поддршка на Албанија во дуелот против Фарските острови.

извор

Хамнеи прославува „победа“ против Америка

26 јуни 2025

Ајатолахот Али Хамнеи првпат се појави во јавноста по 12-дневната војна против Израел и САД и прогласи победа на Иран.
„Ударите од Исламската Република речиси го соборија на колена ционистичкиот режим. Првите честитки се за победата над лажниот ционистички режим. Вторите се за нашата драга победа против американскиот режим, кој влезе директно во војна... но не постигна ништо. И тука Иран извојува победа и удри силна шлаканица во американскиот образ“, порача ајатолахот во снимено обраќање до јавноста.

My congratulations on our dear Iran’s victory over the US regime. The US regime entered the war directly because it felt that if it didn’t, the Zionist regime would be completely destroyed. It entered the war in an effort to save that regime but achieved nothing.
— Khamenei.ir (@khamenei_ir) June 26, 2025

Хамнеи се закани дека на евентуален нов американски напад Иран жестоко ќе возврати со проектили врз базите на САД во регионот.

Сè уште не стивнува дебатата до кој степен американските напади врз Фордоу, Натанц и Исфахан ја вратиле назад иранската нуклеарна програма. Првичните извештаи што протекоа од Пентагон беа дека опремата НЕ е оштетена, а поголемиот дел од збогатениот ураниум веќе бил преместен на други локации. ЦИА вчера објави дека нуклеарните капацитети се „сериозно оштетени“ и дека Иран е вратен „со години“ до производство нуклеарно оружје.

извор

НАТО го подигна воениот арач на 5%

26 јуни 2025

Членките на НАТО се обврзаа да ги зголемат трошоците за одбрана на 5% од својот БДП до 2035 година, повеќе од двојно повеќе од сегашната цел од 2%.
Најмалку 3,5% од БДП ќе бидат потрошени на „чиста“ одбрана, а преостанатиот дел за „критична инфраструктура“ поврзана со одбраната - за граѓанска подготвеност, иновации и надградување на индустриската база.
Воените трошоци се зголемени под притисок од американскиот претседател Доналд Трамп, кој уште во својот прв мандат бараше од партнерите во НАТО да преземат поголем дел од финансискиот товар за колективна одбрана. Некои членки сè уште не ја исполниле целта договорена во 2014 година да издвојуваат за одбрана по 2% од својот БДП.
„Договорот ќе предизвика квантен скок во колективната одбрана на Алијансата. Тој не само што ќе ја засили нашата безбедност, туку и ќе создаде нови работни места“, изјави генералниот секретар Марк Руте на самитот во Хаг.

извор