Вести › Набрзинка

Вилма Рускоска едногласно разрешена од јавен обвинител

23 ноември 2023

Поранешната шефица на Обвинителството за гонење организиран криминал и корупција (ОЈО ГОКК) веќе не е јавен обвинител.
Советот на јавни обвинители денеска едногласно го усвои предлогот на Комисијата за утврдување дисциплинска одговорност за разрешување на обвинителката, откако против неа и уште две нејзини колешки беше поведена дисциплинска постапка поради претресот во Управата за финансиска полиција пред речиси една и пол година.
Од дискусијата која се однесувала на предметот а траела околу половина час, јавноста беше исклучена заради заштита на угледот на обвинителите за кои станува збор.
„И да сакаат, не можат да ме сменат“, самоуверено тврдеше Рускоска пред некоја година.
Подоцна во јавноста се појави аудио снимка на која таа наводно на соговорник му потврдува дека намерно два месеца го држела во притвор Владимир Атанасовски, еден од осомничените во случајот 27 април.
Рускоска најавила дека нема да се жали за разрешувањето и дека заминува во пензија.

извор

Нова заплена на 21 тон марихуана во струмичко Ново Село

7 февруари 2026

Од фирмата ЦБД Медплант во струмичкото Ново Село, во акција на МВР се запленети 21 тон марихуана, дознава Мкд.мк.
Како еден од сопствениците на ЦБД Медплант, фигурира Христијан Котев, меѓутоа во бизнис-политичките кругови за реален сопственик се смета неговиот татко, Тони Котев.
Според одредени сознанија, Тони Котев, со прекар М’гцев е поранешен претседател на огранокот на СДСМ во Ново Село и низ годините имал повеќе бизнис-релации со Вице Заев.

Ова е втора поголема заплена на марихуана во рок од три дена. Завчера, во акција во фирмата Алфа Фарм ДОО Скопје, во кругот на поранешната фабрика ОХИС беа запленети 27 тони марихуана. Акциите се сороведуваат поради сомнеж дека десетици тони марихуана се чувале надвор од законските протоколи.
Во Македонија има издадено шеесетина лиценци и 43 компании работат со одгледување и преработка на канабис за медицински цели.

извор

Државата пред стратешка одлука за Стенковец

7 февруари 2026

Аероклуб Скопје лани поднесува две кривични пријави против нивниот поранешен управител за „бесправно градење“ и „злоупотреба на службена должност“, со тврдење дека изградил објект (Ресторан) без градежна дозвола на државно земјиште и без соодветна одлука на содружниците на Аероклуб Скопје доо.
Европска Унија дала 100.000 € донација за изградбата.
За следниве денови е најавено рушење на објектот иако државата би можела да го заплени објектот вреден еден милион евра и да го намени за сопствени потреби, велат од Клубот.
На пример да го намени за Македонски воздухопловен школски центар, кој би можел да служи за обука на пилоти и други воздухопловни специјалисти, со оглед на актуелниот недостиг од таков кадар во Република Македонија.
Објектот е изграден на државно земјиште - зелена ливада и не претставува пречка за никого, ниту влијае врз нормалното функционирање на аеродромот или околината - повеќе од 5 години.
„Милион евра во прашина или во пилоти?“, ја прашува државата Аероклуб Скопје.

извор