- Википедија е основана на 15 јануари 2001 од
Американците Џими Вејлс и Лери Сангер. Прво само на англиски, денес нејзините содржини се достапни на 326 јазици.
- Македонската верзија на Википедија е започната во септември 2003 година од мала група македонски волонтери. Денес оваа јазична верзија на Википедија брои над 140.000 статии на македонски јазик, приготвени и средени во енциклопедиски формат од македонската заедница
на Википедија.
- „Викимедија МКД“ ќе слави на 15 јануари 2024 година, во „Пјаца Либерта“, од 19:00 часот.
- Покрај стандардното стражарско обезбедување, уште двајца полицајци постојано ќе дежураат во ќелија до онаа на Никола Саркози за да не му се случи нешто на поранешниот француски претседател во затворот Ла Санте во Париз.
- Саркози вчера пристигна во затворот во кој треба да помине пет години како казна за нелегално финансирање на својата кампања со пари од Либија.
- „Поранешниот претседател на Републиката ќе има засилено обезбедување поради неговиот статус. Јасно е дека е под закана. Ќе биде чуван додека е во затвор“, изјави министерот за внатрешни работи Лорен Нуњез.
- Саркози бил префрлен во изолирана единица, во која затворениците се сами во ќелиите и не им е дозволен меѓусебен контакт при прошетките и оброците. Дежурните полицајци во соседната ќелија ќе ротираат, но секогаш ќе има по двајца.
- Синдикатот на затворските стражари се побуни поради присуството на полицајци во затворите. „Перфектно сме способни да ја гарантираме безбедноста на затворениците. Нема потреба од засилувања“, изјави Никола Пејрин од синдикатот ЦГТ.
- „Единицата за економски криминал при СВР Скопје влезе во просториите на град Скопје и ЈКП „Комунална хигиена“ по наредба од ОЈО Скопје со цел прибавување на докази и одземање на соодветна документација под сомнение за сторени кривични дела поврзани со работењето на ЈКП „Комунална хигиена“ и градоначалникот на град Скопје во врска со несобирањето на комуналниот отпад. Обезбедена е документација, а се преземаат и дополнителни мерки и активности по насоки од ОЈО Скопје“ изјави портпаролот на МВР, Гоце Андреевски.
- Од обвинителството не ја исклучуваат можноста освен „Комунална хигиена“, да бидат опфатени проверки и на други институции.
- Од Комунална хигиена обвинуваат дека Министерството за здравство им должи над пет милиони евра, што предизвикува доцнење во исплатата на платите. Од Министерството за здравство го демантираат тоа и велат дека немаат никаква обврска кон претпријатието.
