Вести › Набрзинка

Уплашени од утре, веќе мислат за задутре

6 септември 2023

Експресно закажана и одржана собраниска седница за менување на кривичниот закон.
Намерата е да се брише членот кој предвидува затворска казна од најмалку 5 години затвор за злоупотреба на службената положба и овластување при вршење на јавни набавки или на штета на средствата од Буџетот (читај: местење тендери).
Сакаат и казната за злосторничко здружување да се намали од 10 на 3 години.
Измените се носат по забрзана постапка, односно со европско знаменце.

Иначе, оваа анонимусов шо ни е заменик-министерка за правда - Викторија Аврамовска МАНДИЌ (од СДС на Нашата Земја) е предложена да ги брани контроверзните измени на Кривичниот законик пред пратениците, пуштени шверцерски - по скратена постапка, со ЕУ знаменце...

И се тоа би било ОК, арно ама дотичнава има кривична пријава за злоупотреба на службената положба и овластување од Град Скопје дека, во време на алкосот Шилегов (како негова секретарка), исплатила 75.000 ЕУР на фирма за изработка на веб-сајт кој никогаш не бил направен!?

И видете каков безобразлук - баш она, од цело СеДеСеМе, предлага намалување на казната, и тоа баш за местење тендери!?

Мицковски:

извор

Советник на Заев вмешан во шпионска афера на Косово

29 август 2026

Името на Виктор Петрушевски, поранешниот советник на Зоран Заев за локална самоуправа, е дел од актуелната афера објавена во медиумите во Косово за наводната поврзаност на Фатмир Шехоли, познат политички аналитичар, со српската безбедносно-информативна агенција БИА.
Шехоли е медиумски работник во периодот на Милошевиќ, човек со признато искуство во српските безбедносни структури, косовски функционер/советник и активист за меѓуетнички односи и познат телевизиски политички аналитичар, пишува МКД.мк.
Според обвинението, на 5 август 2025 година Шехоли испратил документ означен како „Top Secret 2“ на лице заведено како „Виктор Македонија“.
Косовските медиуми пишуваат дека документот содржел политички и стратешки план поврзан со ширење на исламскиот радикализам во Косово и регионот. Во него се зборува за изградба и проширување на верски објекти и за создавање мрежи со влијание во спортот, медиумите, музиката и политиката.

извор

30 години од трагедијата кај манастирот Богородица во Берово

28 август 2026

На 29 август 1996 година, само еден ден по празникот Успение на Пресвета Богородица, манастирот „Успение на Пресвета Богородица“ кај Берово стана место на една од најтрагичните несреќи поврзани со голем православен црковно-народен собир во Македонија.
Девет лица загинаа, а повеќе од 50 беа повредени кога во манастирскиот простор удрија громови. Илјадници верници кои дошле на празничниот собир, во само неколку минути се најдоа во хаос, паника и борба за живот.
Празникот се слави на 28 август. Се паѓало среда, според црковните правила посен ден. Но, поради традицијата да се има курбан за ручек тој ден, кој се приготвувал со мрсна храна, традиционалниот народен ручек, а со тоа и прославата на празникот бил поместен за 29 август, кога можело да се јаде мрсно.
Токму оваа одлука, по трагедијата, ќе стане центар на едно од најпознатите верувања поврзани со несреќата, дека се работи за божја казна.
Ама, реалнo, каде да удри гром од небото ако долу на земјата има триесетина огромни бакарни казани со храна?

извор