- Украинските власти ја забранија главната опозициона партија во државата и го запленија сиот нејзин имот.
- Во март беа суспендирани активностите на партијата на Виктор Медведчук (кој е во домашен притвор) поради обвиненија дека е про-руска и анти-украинска и дека го поткопува суверенитетот на Украина.
- На истата основа веќе се забранети десет други опозициони партии.
- Партијата на Медведчук лани имала поголема популарност од партијата на Зеленски.
- Украинскиот претседател Володимир Зеленски побара уште 27 милијарди долари од западните сојузници, бидејќи „војната поскапела“ – се засилиле руските напади, преполовени се очекуваните приходи од извозот на жито и зголемен е бројот на ветерани.
- ЕУ на почетокот од годината едвај постигна договор да му додели на Киев поддршка од 90 милијарди евра за воениот и државниот буџет за 2026 и 2027 година. За оваа година се предвидени 28,3 милијарди евра воена помош и 16,7 милијарди за дупките во буџетот.
- ЕУ досега има исплатено 8,3 милијарди евра од воената компонента. Европската комисија денеска одобри исплата на уште 6,1 милијарда евра, главно за купување противвоздушни пресретнувачки ракети „патриот“.
- Европски дипломати неофицијално предупредуваат дека можеби нема да бидат во можност да ги покријат сите трошоци што ги бара Украина. Зад затворени врати во Брисел, сега се поставуваат прашања дали парите се трошат наменски и дали барањата на Киев се прекумерни.
- Зеленски ја префрла вината за кусокот врз неодамна разрешениот министер за одбрана Михајло Федоров, кој наводно во првите месеци од годинава го потрошил буџетот за цела година. Федоров ја отфрла одговорноста.
