Вести › Набрзинка

Убиен е и поранешниот ирански претседател Ахмадинеџад

1 март 2026

Махмуд Ахмадинеџад, кој беше претседател на Иран од 2005 до 2013 година бил убиен во израелско-американските напади.
Загинал во ракетен напад на неговата резиденција во Нарнак, североисточен Техеран, при што загинале и неколку негови телохранители.
По двата претседателски мандати, бил член на советодавен совет на Канцеларијата на Врховниот лидер.
Ахмадинеџад имаше 69 години. Бил професор по сообраќајно инженерство, познат по скромниот живот.

извор

Филипче: Венецуела, Иран, Македонија

1 март 2026

„Филипче: САД треба да знаат дека власта во Македонија има карактеристики како режимите во Иран и Венецуела“, е насловот на партиско соопштение на СДСМ.
„Сè што се прави е во истиот контекст како што беше направена интервенцијата во Венецуела, а тоа е за доброто на иранскиот народ, како што беше и за доброто на народот во Венецуела“ рекол Филипче.
Во Венецуела САД го грабнаа претседателот на државата, Иран го нападнаа со ракети и го убија врховниот лидер, членови на неговото семјство, неколку десетици ученички....
Се очекува партијата да се произнесе кое од двете сценарија го претпочита за Македонија. За доброто на народот.

извор

ЕУ да истераат викенд па во понеделник ќе зборат за Иран

1 март 2026

Урсула фон дер Лејен за понеделник свика седница на Специјалниот колеџ за безбедносни прашања, за да дискутираат за ситуацијата ви Иран.
Претседателката на Европската комисија нагласи дека клучно за регионалната безбедност и стабилност е да нема понатамошна ескалација „поради неоправданите и неиспровоцирани напади на Иран врз партнерите во регионот“.
Претходно, Фридрих Мерц, Емануел Макрон и Кир Стармер ги осудија нападите на Иран врз блискоисточните земји и не кажаа ни збор против САД и Израел, кои ја почнаа војната со „превентивните напади“.
Во тие напади беа таргетирани 30-тина цели во Иран и јужен Либан и освен 86 годишниот ајатолах Хамнеи, беа убиени неговата ќерка, внука, снаа и зет.
Во нападот врз основно училиште за девојчиња во јужниот ирански град Минаб бројот на жртви се движи од 40 до 85.
Оправдано и испровоцирано.

извор