Вести › Набрзинка

Уапсен Штекли и десетина негови, началник осомничен за нивен доушник

18 јануари 2025

Со полициски акции по скопјњ и Гевгелија, разбиена е нарко групата предводена од Раде Трајковски-Штекли. Тој бил уапсен при обид за бегство во близина на хотел во околината на Гевгелија.
Луѓето од групата се осомничени за продажба на наркотици со што се занимавале подолго време.
Полициски началник се сомничи дека им бил доушник на наркоклановите. Одземен му е телефонот кој може да соджи важни информации. Медиуми тврдат дека истрагата е насочена кон началникот Горан Ангелов Бапчо.
Штекли е познат по тоа што преживеа во два наврата кога во него беше пукано во Ист Гејт а во дворот на неговата куќа во Керамидница беше фрлена и бомба.

извор

Наши деца брилијантни на Олимпијада за роботика

7 април 2026

Македонските тимови кои учествуваа на Олимпијадата за роботика - Minoan Robotsports Competition Global Olympiad (Крит, 3- 6 април), покажаа супериорност и освоија прво и второ место во најтешката дисциплина каде роботите што се дизајнирани, изградени и програмирани од учесниците целосно автономно извршуваат серија комплексни задачи со висока прецизност и сигурност.
Овој настан претставува една од најпрестижните светски олимпијади за роботски спортови, каде учество земаа околу 1.500 тима од над 40 држави од целиот свет.

- Тимот SPACE WALKERS (на возраст од 13 до 18 години) составен од Павел Попоски, Анастасија Дудеска и Јаков Петков освои злато;
- Матеа Андонова, Глигор Дединец и Петар Копачев од тимот SPACE WALKERS ALFA (на возраст до 12 години) се закитија со сребро;
- Андреј Спасевски и Стефан Пешов од SPACE WALKERS JR се пласираа на петтата позиција.

Резултати се постигнати под водство на менторите Александра Митревска и Жарко Поп-Илиев од СТЕМ Академија.

извор

Најодликуваниот австралиски војник уапсен поради воени злосторства

7 април 2026

Бен Робертс-Смит, најодликуваниот австралиски офицер и ветеран од шест мисии во Авганистан, е уапсен во Сиднеј поради обвиненија за воени злосторства.
Поранешниот специјалец од САС е обвинет по пет точки во врска со убиството на невооружени лица во Авганистан помеѓу 2009 и 2012 година. Максималната казна за секое обвинение е доживотен затвор.
„Жртвите биле убиени кога биле приведени, невооружени и под контрола на австралиските сили за безбедност. Тие биле застрелани од обвинетиот или од војници кои дејствувале по негови наредби и во негово присуство“, изјави Криси Барет, комесарка на Австралиската федерална полиција.
Извештај од 2020 година пронајде веродостојни докази дека членовите на австралискиот Специјален полк за воздухопловна служба (САС) убиле десетици невооружени затвореници во Авганистан. Беше формирана специјална комисија, која отвори 53 истраги за воени злосторства од страна на австралиски војници во Авганистан.

извор