- Иако Камала Харис и демократите собраа неколкукратно повеќе донации од Трамп за претседателската кампања (Форбс вика било речиси 5:1 во финишот), останале во долг.
- Заради лоши политички проценки и слаб финансиски менаџмент завршиле со дупка од 20 милиони долари иако за 107 дена собраа над една милијарда долари.
- Долгот е направн главно со чаламење со скапи концерти на Лејди Гага и други ѕвезди во пресрет на изборите.
- Анализите велат дека тоа што се потпре на славни личности и влијанието на холивудските ѕвезди, не ѝ помогна на Камала да се поврзе со обичните гласачи. Харис ја изгуби клучната поддршка меѓу етничките заедници и гласачите од работничката класа во клучните држави.
- Трамп во негов стил понуди да помогне и неговата партија и неговите симпатизери политичките противници да го покријат направениот долг.
- Концентрацијата на богатството кај мала група луѓе во 27 земји од светот го надминала нивото во кое 0,1% од возрасната популација поседуваат повеќе од најсиромашните 80% од жителите.
- Јазот е најдлабок во Русија, а најмалку е изразен во Словачка.
- Македонија според оваа класификација е меѓу земјите со порамномерна распределба на богатството.
- Јужна Африка нуди впечатлив пример за тоа колку можат да бидат трајни овие разлики. Студија што го опфаќа периодот од 1993 до 2017 година покажа дека немало трајно намалување на нееднаквоста во богатството по крајот на апартхејдот.
- Разговорите на администрацијата на Трамп со Русија за крај на војната во Украина се проширија со нафтен договор вреден повеќе милијарди долари, од кој би профитирале деловни луѓе од Блискиот Исток поврзани со двајцата главни американски преговарачи, Стив Виткоф и Џаред Кушнер.
- Договорот се однесува на голем број нафтени полиња, рафинерии и бензински пумпи ширум светот во сопственост на „Лукоил“, една од најголемите руски енергетски компании.
- Откако администрацијата на Трамп лани воведе санкции против „Лукоил“, компанијата реши да го продаде својот имот во странство. Министерството за финансии на САД дисквалификува неколку потенцијални купувачи на „Лукоил“.
- Сега е договорено имотот да биде продаден на група во која учествува инвеститорот Тод Боли, кој донирал 2 милиони долари за политичките цели на претседателот Трамп, на две групи од Блискиот Исток кои соработувале со Кушнер или Виткоф, како и еден огранок на американската влада.
- На средбата со Виткоф и Кушнер во Кремљ на 5 септември, Путин предложил договорот да се реализира „како начин да им се покаже на Русите дека можат да соработуваат со САД“. Виткоф и Кушнер имале директна улога во преговарањето за финансиските услови, за да се обезбеди „значителна авансна исплата и удел за САД во добивката“, пишува Њујорк тајмс.
