- Владата ја тргна забраната за прелет и слетување на руски државни воздухоплови над и во земјава, со што се отвора можноста за евентуално доаѓање на шефот на руската дипломатија Сергеј Лавров на министерскиот состанок на ОБСЕ во Скопје.
- Засега нема потврда дека ова значи и доаѓање на шефот на руската дипломатија Сергеј Лавров на министерскиот состанок на ОБСЕ.
- Славјанка Цаци Петровска, уфилмана дека е некој фактор, пред некој ден лупеташе дека не гледа причина Лавров да дојде на состанокот на ОБСЕ. Цаци ма!
- Претседателот Доналд Трамп им порача на генералите како „полигони“ за обука на војската да ги користат Чикаго, Лос Анџелес, Сан Франциско и другите американски градови со висока стапка на криминал. Трамп веќе нареди распоредување трупи од Националната гарда во Вашингтон, Лос Анџелес и Портланд, но бара и вклучување на војската.
- „Тие се многу небезбедни места и ние ќе ги средиме едно по едно. Тоа ќе зависи и од некои од луѓето во оваа просторија“, порача Трамп, обраќајќи им се на повеќе од 800 генерали во базата Квантико на Пентагон. Трамп ги предупреди дека „граѓанските немири се внатрешен непријател“ и додаде дека „откако ќе бидете вклучени ситуацијата нема да излезе од контрола“.
- Министерот за војна Пит Хегсет го свика големиот собир на генерали за да им ги претстави „највисоките машки стандарди“ за физичка и морална спремност на војската.
- Нема да се толерираат „разбудената“ култура, дебелите офицери и носењето брада. Ќе бидат вратени најстрогите тестови за физичка спремност, кои ќе важат и за жените. Ќе се охрабрува построга обука и дисциплина, а ќе се толерира викање, пцуење, растурање кревети, па дури и „кревање рака“ врз војник.
- Генералите молкум го слушале предавањето, а некои пишувале забелешки во тефтер. Кога Трамп се качил на сцената по Хегсет, забележал: „Никогаш порано не сум влегол во толку тивка соба“.
- Володимир З., украински нуркач осомничен дека во 2022 година го поставил експлозивот што го разнесе гасоводот Северен тек, е уапсен во полскиот град Прушков близу Варшава.
- Саботажата на гасоводот на дното на Балтичко Море ја прекина испораката на руски гас до Германија. Никој не ја презеде одговорноста за експлозијата. Берлин распиша меѓународна потерница по Володимир З. осомничен дека го поставил експлозивот, и по Серхиј К. кој ја координирал акцијата.
- Серхиј неодамна беше приведен во Италија. И двајцата ќе се борат против екстрадиција во Германија, врз основа на тврдењето дека потерниците не важат поради руската воена интервенција во Украина.
- Нападот врз инфраструктурата се однесува кон „Газпром“, кој е еден од сопствениците и директно ги финансира воените операции во Украина, изјави адвокатот на Володимир.
